2 чэрвеня, Мінск /Кар. БЕЛТА/. ВНУ прадаўжаюць прыём дакументаў у мэтавікоў, накіраванне на вучобу ад работадаўца яшчэ можна ўзяць, паведамілі БЕЛТА ў прэс-службе Міністэрства адукацыі.
"Паклапаціцца аб атрыманні мэтавага накіравання лепш было загадзя, але яшчэ не позна. У перыяд прыёму дакументаў гэта можна зрабіць. У дапамогу - інтэрактыўная карта на сайце Міністэрства адукацыі, сайты ВНУ", - расказалі ў ведамстве.
На сайтах універсітэтаў ёсць інфармацыя аб колькасці месцаў, выдзеленых для паступлення на ўмовах мэтавай падрыхтоўкі, таксама там пазначаны канкрэтныя спецыяльнасці і заказчыкі, якія падалі заяўкі на адпаведных спецыялістаў. У дапамогу абітурыентам і інтэрактыўная карта для мэтавікоў. Яе можна знайсці на сайце Мінадукацыі. "Карта выступае ў ролі даведніка, дзякуючы ёй можна хутка падабраць месца для вучобы і будучай работы, знайсці кантакты арганізацый па спецыяльнасці, якая цікавіць", - дадалі ў прэс-службе.
Дадатковую інфармацыю па пытаннях прыёмнай кампаніі можна атрымаць па тэлефонах гарачых ліній, якія працуюць ва ўсіх установах вышэйшай адукацыі. Графік работы і нумары тэлефонаў гарачых ліній размешчаны на сайце Міністэрства адукацыі.-0-
