18 жніўня, Мінск /Кар. БЕЛТА/. На палігоне Лепельскі ў час вучэнняў два снарады ўпалі ў возера і балота, паведамілі БЕЛТА ў прэс-службе Міністэрства абароны.
Гэта здарылася ў час кантрольных заняткаў па стральбе артылерыі. Снарады ўпалі ў возера і балота з-за рыкашэту. "Яны знаходзяцца ў межах бяспечнай адлегласці ад бліжэйшых населеных пунктаў", - гаворыцца ў паведамленні прэс-службы.
Урону і пацярпелых няма.-0-
