1 чэрвеня, Мінск /Кар. БЕЛТА/. Збеглыя запрасілі ў сваіх заходніх спонсараў $250 млн на падрыўную дзейнасць адносна Беларусі. Аб гэтым паведаміў журналістам старшыня Камітэта дзяржаўнай бяспекі Іван Тэртэль, перадае карэспандэнт БЕЛТА.
Паводле яго слоў, у асноўным нядобразычліўцы Беларусі цяпер сканцэнтраваны за мяжой і абапіраюцца на тых збеглых, якія знаходзяцца ў Вільнюсе, Варшаве. Нядаўна КДБ атрымана інфармацыя з Заходняй Еўропы аб чарговых фінансавых запросах збеглых. "Яны запрасілі на бліжэйшы час $230-250 млн на сваю падрыўную дзейнасць адносна Беларусі", - расказаў Іван Тэртэль.
Ён адзначыў, што некаторыя з заходніх палітыкаў і службовых асоб іх падтрымліваюць, іншыя абураюцца, паколькі фінансавыя рэсурсы, якія могуць выдзеліць, запатрабаваны ў гэтых краінах на іншыя нацыянальныя мэты. "Я, карыстаючыся выпадкам, раіў бы фіскальным і кантрольным органам ЗША, Польшчы, Літвы, Германіі, некаторых іншых краін вельмі ўважліва паглядзець на пытанні фінансавання з бюджэту фондаў, якія з'яўляюцца пракладкай для фінансавання падрыўной дзейнасці ў Рэспубліцы Беларусь. Вакол іх склалася цэлая праслойка людзей, якія прафесійна займаюцца адмываннем грошай. Гэта, напэўна, прадмет для ацэнкі праваахоўных структур гэтых дзяржаў", - сказаў кіраўнік КДБ. Ён падкрэсліў, што органы дзяржбяспекі Беларусі гатовы процідзейнічаць пагрозам, у тым ліку з калегамі з краін СНД.-0-
