29 сакавіка, Мінск /Кар. БЕЛТА/. Міністэрства інфармацыі аб'яўляе старт прыёму заявак на ХІХ Нацыянальны конкурс "Залатая Літара". Аб гэтым БЕЛТА паведамілі ў Мінінфарме.
Конкурс праводзіцца штогод з мэтай садзейнічання развіццю друкаваных сродкаў масавай інфармацыі, інфармацыйных агенцтваў і сеткавых выданняў Беларусі, актуалізацыі значных тэматычных напрамкаў дзейнасці СМІ па рэалізацыі дзяржаўнай інфармацыйнай палітыкі, павышэння прафесійнага і ідэйна-змястоўнага ўзроўню СМІ, стымулявання творчай дзейнасці журналістаў і іншых творчых работнікаў, занятых у працэсе вытворчасці СМІ.
Арганізатарам конкурсу з'яўляецца Міністэрства інфармацыі.
Пераможцы намінацый узнагароджваюцца дыпломамі і памятнымі знакамі - сімваламі конкурсу "Залатая Літара".
Заяўкі прымаюцца да 27 красавіка 2023 года (уключна) з паметкай "На нацыянальны конкурс "Залатая Літара" па адрасе: 220004, г. Мінск, пр. Пераможцаў, 11, кабінет 519. Кантактныя тэлефоны: 8 (017) 226-86-40, 8 (017) 203-95-31, 8 (017) 203-77-65.
Інструкцыя аб парадку правядзення "Залатой Літары" размешчана на сайце ведамства.-0-
