ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Грамадства
04 ліпеня 2022, 11:41

Расія адмяняе ПЛР-тэст для грамадзян Беларусі пры ўездзе авіятранспартам

Фота з архіва
Фота з архіва

4 ліпеня, Масква /Эдуард Півавар - БЕЛТА/. Расія адмяняе ПЛР-тэст для грамадзян Беларусі пры ўездзе авіятранспартам. Аб гэтым гаворыцца ў паведамленні аператыўнага штаба па папярэджанні завозу і распаўсюджвання новай каранавіруснай інфекцыі на тэрыторыі Расійскай Федэрацыі, паведамляе БЕЛТА.

"Аператыўным штабам прынята рашэнне аб адмене патрабавання аб прадастаўленні вынікаў ПЛР-тэсціравання на COVID-19 для грамадзян Рэспублікі Беларусь пасля прыбыцця авіятранспартам у Расію. Адпаведныя змяненні будуць унесены ў пастанову галоўнага дзяржаўнага санітарнага ўрача Расійскай Федэрацыі ад 18 сакавіка 2020 года нумар 7. Для іншых грамадзян патрабаванні аб прадастаўленні вынікаў ПЛР-тэсціравання захоўваюцца", - адзначаецца ў паведамленні.

Неабходнасць прад'яўляць ПЛР-тэст для грамадзян Беларусі пры ўездзе ў Расію чыгуначным і аўтамабільным транспартам была адменена расійскім бокам раней.

Аператыўным штабам таксама прынята рашэнне аб адмене з 15 ліпеня эпідэмічна абумоўленых часовых абмежаванняў на перасячэнне дзяржаўнай граніцы Расійскай Федэрацыі, устаноўленых распараджэннямі ўрада ад 16 сакавіка 2020 года нумар 635-р "Аб часовым абмежаванні ўезду ў Расійскую Федэрацыю замежных грамадзян і асоб без грамадзянства і часовым прыпыненні афармлення і выдачы віз і запрашэнняў" і ад 27 сакавіка 2020 года нумар 763-р "Аб часовым абмежаванні руху праз аўтамабільныя, чыгуначныя, пешаходныя, рачныя і змешаныя пункты пропуску праз дзяржаўную граніцу Расійскай Федэрацыі, а таксама праз сухапутны ўчастак расійска-беларускай дзяржаўнай граніцы".

"Распараджэнні ўрада Расійскай Федэрацыі ад 16 сакавіка 2020 года нумар 635-р і ад 27 сакавіка 2020 года нумар 763-р будуць прызнаны страціўшымі сілу. Адпаведны дакумент будзе апублікаваны дадаткова", - гаворыцца ў паведамленні аператыўнага штаба.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі