Сцяг Субота, 18 мая 2024
Усе навіны
Усе навіны
Грамадства
18 красавіка 2024, 15:28

"Раней проста будавалі, і ўсё". Эксперт аб праблемах, з якімі сутыкнецца Літва пры закрыцці АЭС

18 красавіка, Мінск /Кар. БЕЛТА/. Праблемы, з якімі сутыкнецца Літва пры закрыцці Ігналінскай АЭС, звязаны з тым, што пры будаўніцтве станцыі не закладваліся тэхналогіі для дэмантажу. Такое меркаванне ў праекце "У тэме" на YouTube-канале БЕЛТА выказаў галоўны рэдактар навукова-дзелавога партала "Атамная энергія 2.0" Павел Якаўлеў.

"На гэты момант сусветны рынак вываду АЭС з эксплуатацыі толькі зараджаецца. Дарэчы, у Расіі і Беларусі ёсць пагадненне ў гэтай сферы. І нашы сумесныя кампетэнцыі будуць рэалізоўвацца ў праекце будаўніцтва ў Беларусі геалагічнага падземнага рэпазіторыя, могільніка адходаў рэспубліканскага ўзроўню. Цяпер ідзе працэс выбару пляцоўкі", - сказаў Павел Якаўлеў.

Эксперт адзначыў, што пры будаўніцтве сучасных атамных электрастанцый адразу закладваюцца тэхналогіі для дэмантажу. Пры будаўніцтве Ігналінскай АЭС такія тэхналогіі не закладваліся. "Раней проста будавалі, і ўсё. Было важна атрымліваць электраэнергію, а што рабіць з гэтым далей, не задумваліся. Шмат у чым гэта датычыцца Ігналінскай АЭС. І цяпер абмяркоўваюцца праблемы рэактараў РВМК (якія эксплуатуюцца на Ігналінскай АЭС. - Заўвага БЕЛТА). Напрыклад, пытанні бяспечнай утылізацыі і захоўвання апрамененага графіту", - падкрэсліў Павел Якаўлеў.-0-
Падпісвайцеся на нас у
Twitter
Топ-навіны
Свежыя навіны Беларусі