Сцяг Нядзеля, 14 красавіка 2024
Усе навіны
Усе навіны
Грамадства
24 сакавіка 2023, 18:09

Рачкоў: сёння важна паставіць бар'ер недружалюбным дзеянням Захаду

24 сакавіка, Мінск /Кар. БЕЛТА/. Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў у рамках адзінага дня інфармавання наведаў ААТ "БМЗ - кіруючая кампанія холдынга "БМК" і сустрэўся з актывам працоўнага калектыву. Аб гэтым БЕЛТА паведамілі ў прэс-службе верхняй палаты парламента.

Парламентарый выступіў па тэме "80 гадоў трагедыі ў Хатыні. Вынікі расследавання генацыду беларускага народа ў гады Вялікай Айчыннай вайны", азнаёміў работнікаў прадпрыемства з вынікамі заканадаўчай дзейнасці Савета Рэспублікі ў 2022 годзе, абмеркаваў геапалітычную сітуацыю ў свеце і яе ўплыў на Рэспубліку Беларусь.

На сустрэчы з кіраўніцтвам завода абмеркаваны праблемныя пытанні і далейшыя перспектывы развіцця прадпрыемства. Сенатар азнаёміўся з вытворчым працэсам на заводзе, вынікамі яго фінансава-гаспадарчай і экспартнай дзейнасці.

БМЗ - адно з буйнейшых прамысловых прадпрыемстваў у рэспубліцы. Дзякуючы ўпартай працы работнікаў завода, іх высокаму прафесійнаму ўзроўню, укараненню перадавых тэхналогій прадукцыя прадпрыемства добра вядома не толькі ў Беларусі, але і за мяжой, падкрэсліў Сяргей Рачкоў.

"Урад у апошнія гады вельмі актыўна ініцыяваў распрацоўку новых законапраектаў, якія дазваляюць забяспечыць паступальнае развіццё эканомікі ва ўмовах санкцыйнага націску краін Захаду. І мы, парламентарыі, вельмі ўважліва падыходзім да гэтых законапраектаў, яны фактычна з'яўляюцца прыярытэтнымі нараўне з законапраектамі па забеспячэнні нацыянальнай бяспекі і абароны нашай краіны, - адзначыў Сяргей Рачкоў. - Многія з законапраектаў накіраваны на паляпшэнне ўмоў эканамічнай дзейнасці. Мы прынялі закон аб ліцэнзаванні, абноўлены Кодэкс аб зямлі, які таксама стварае не толькі дадатковыя ўмовы для развіцця аграрнага бізнесу, але і для людзей, якія хацелі б будаваць свае дамы, спрошчаным спосабам зарэгістраваць тое, што раней яны не зрабілі. Вось такія канкрэтныя законапраекты, якія дапамагаюць не толькі глабальна вырашаць сацыяльна-эканамічныя задачы, але і дапамагаюць вырашаць кожнай асобнай сям'і, асобнаму чалавеку свае задачы, дасягаць сваіх мэт і рэалізоўваць свае патрэбнасці. Таму гэта сёння прыярытэт. Ну, і, вядома ж, важна сёння паставіць бар'ер тым недружалюбным дзеянням, якія ажыццяўляюцца з боку краін Захаду ў эканамічнай сферы. А такіх дзеянняў дастаткова".-0-

Падпісвайцеся на нас у
Twitter
Топ-навіны
Свежыя навіны Беларусі