30 мая, Мінск /Кар. БЕЛТА/. Пастанова аб пераглядзе вынікаў ЦЭ не прымалася, гэта інфармацыя - фэйк. Аб гэтым паведаміла карэспандэнту БЕЛТА прэс-сакратар прэм'ер-міністра Аляксандра Ісаева.
У сетцы цяпер гуляе тэкст нібыта пастановы Савета Міністраў аб пераглядзе вынікаў цэнтралізаванага экзамену. "Гэта фэйк. Такой пастановы не існуе", - заявіла Аляксандра Ісаева.
Прэс-сакратар прэм'ер-міністра таксама нагадала, што ўсе пастановы афіцыйна публікуюцца на Нацыянальным прававым інтэрнэт-партале pravo.by. Менавіта там і трэба шукаць дакладную інфармацыю аб новых нарматыўных прававых актах.-0-
