29 сакавіка, Масква /Эдуард Півавар - БЕЛТА/. У Акадэміі кіравання МУС Расіі для прадстаўнікоў кіруючага складу праваахоўных органаў і спецыяльных службаў дзяржаў - членаў АДКБ 27-30 сакавіка праводзіцца трэнінг па кіраванні падраздзяленнямі, што ўваходзяць у склад фарміраванняў сіл спецыяльнага прызначэння Калектыўных сіл аператыўнага рэагавання АДКБ пры правядзенні спецыяльных аперацый. Аб гэтым БЕЛТА паведаміў прэс-сакратар АДКБ Уладзімір Зайнетдзінаў.
"Для прадстаўнікоў МУС Беларусі, Нацыянальнай гвардыі Казахстана, МУС Кыргызстана, якія прыбылі на абучэнне, адбылося адкрыццё вучэбнага курса, дзе з прывітальным словам выступіў начальнік Акадэміі кіравання МУС Расіі генерал-маёр паліцыі Сяргей Сіненка, а таксама прадстаўнікі Сакратарыята АДКБ. У рамках трэнінгу адпрацоўваюцца алгарытмы работы кіруючага складу праваахоўных органаў і спецыяльных службаў дзяржаў - членаў АДКБ пры правядзенні спецыяльных аперацый", - расказаў прэс-сакратар.-0-
