15 мая, Мінск /Кар. БЕЛТА/. Міністэрства працы і сацыяльнай абароны, Федэрацыя прафсаюзаў Беларусі і наймальнікі падпісалі пагадненне аб рэалізацыі праекта "Кампанія, дружалюбная бацькам", перадае карэспандэнт БЕЛТА.
Подпісы пад дакументам паставілі міністр працы і сацыяльнай абароны Ірына Касцевіч, старшыня Федэрацыі прафсаюзаў Беларусі Міхаіл Орда, старшыня Саюза некамерцыйных арганізацый "Канфедэрацыя прамыслоўцаў і прадпрымальнікаў (наймальнікаў)" Анатоль Харлап. Падпісанне адбылося ў Мінску ў ААТ "Камволь".
Бакі дамовіліся падтрымліваць гэту ініцыятыву і мерапрыемствы па ўключэнні наймальнікаў у рэалізацыю праекта, праводзіць работу, накіраваную на стварэнне і развіццё рабочых месцаў са спрыяльнымі ўмовамі работы для працуючых бацькоў. Таксама ёсць дамоўленасць аб садзейнічанні ў рэалізацыі працоўных і сацыяльна-эканамічных інтарэсаў працуючых бацькоў, у тым ліку ў пытанні прадастаўлення больш ільготных умоў, чым гэта прадугледжана заканадаўствам.
Ініцыятыва "Кампанія, дружалюбная бацькам" запушчана ў 2021 годзе. Яна накіравана на папулярызацыю сярод наймальнікаў сацыяльна значнай і эканамічна выгаднай практыкі стварэння спрыяльных рабочых месцаў і ўмоў працы для супрацоўнікаў-бацькоў.-0-
