7 чэрвеня, Мінск /Кар. БЕЛТА/. Справа супраць Беларусі ў МАП - гэта маніпуляцыя і фальсіфікацыя. Аб гэтым заявіў старшыня Федэрацыі прафсаюзаў, каменціруючы ход разгляду Міжнароднай арганізацыяй працы сітуацыі ў Беларусі. Аб гэтым БЕЛТА паведамілі ў прэс-службе ФПБ.
На сённяшні дзень Беларусь, у якой больш за 90 працэнтаў работнікаў з'яўляюцца членамі прафесійных саюзаў і дзейнічае звыш 20 тыс. калектыўных дагавораў з дадатковымі гарантыямі для работнікаў, на пляцоўцы МАП спрабуюць абвінаваціць у тым, што нібы людзі не маюць магчымасці аб'ядноўвацца ў прафсаюзы і заключаць калектыўныя дагаворы. І ў выніку пад націскам прадстаўнікоў шэрага заходніх краін Міжнародная арганізацыя працы фактычна прапануе членам арганізацыі ўвесці чарговыя абмежавальныя меры ў адносінах да працоўных Беларусі.
"Сёння Захад разумее, што прайграе санкцыйную вайну, якую вядзе супраць Беларусі. І каб апраўдаць свае незаконныя дзеянні, уцягнуць у гэту брудную гульню іншыя краіны, спрабуе выкарыстоўваць пляцоўку Міжнароднай арганізацыі працы. Гэта абсурд поўны. Міжнародная арганізацыя працы, па сваёй сутнасці, павінна абараняць занятасць і даходы людзей. Для гэтага яна створана гістарычна. А сёння заходнікі спрабуюць працягнуць праз гэту арганізацыю рашэнне, якое накіравана на тое, каб пакінуць людзей без работы і без зарплаты, - падкрэсліў старшыня Федэрацыі прафсаюзаў Міхаіл Орда. - Прычым і на пляцоўцы МАП яны дзейнічаюць вельмі вераломна. Практычна узурпіравалі тут уладу і не прыслохоўваюцца ні да якой іншай пазіцыі. Літаральна ўчора прадстаўнік ААН выступіў супраць санкцый у адносінах да Беларусі. Прафсаюзы больш як сотні краін, якія ўваходзяць у Сусветную федэрацыю прафсаюзаў, таксама калектыўна выступілі катэгарычна супраць прымянення якіх-небудзь абмежаванняў. Але гэта пазіцыя мільёнаў працоўных не проста праігнаравана. Яна скрываецца і замоўчваецца. Робіцца ўсё для таго, каб паказаць, што нібы працоўныя ўсяго свету падтрымліваюць МАП у гэтым пытанні. Гэта абсалютна не так. Усё гэта яшчэ раз пацвярджае, што справа супраць Беларусі - гэта маніпуляцыя меркаваннем і фальсіфікацыя".
Як падкрэсліў старшыня ФПБ, практыка паказвае, што любыя абмежавальныя меры, любыя санкцыі парушаюць кааперацыйныя сувязі і вытворчыя ланцужкі. Гэта негатыўна ўплывае на людзей ва ўсіх краінах, у тым ліку і ў тых, якія ўводзяць гэтыя санкцыі. І калі Міжнароднай арганізацыяй працы будзе прынята рашэнне супраць Беларусі, гэта будзе, па сваёй сутнасці, злачынства супраць працоўных не толькі нашай краіны, але і іншых дзяржаў.
Гэтымі днямі і да 16 чэрвеня ўключна ў Жэневе праходзіць штогадовая сесія Міжнароднай канферэнцыі працы МАП. Прадстаўнікі работнікаў, работадаўцаў і ўрадаў са 187 дзяржаў - членаў МАП разглядаюць шырокі спектр пытанняў, якія датычацца ў першую чаргу рэалізацыі асноўнага права кожнага чалавека ва ўсім свеце - права на працу. Таксама Міжнародная арганізацыя працы аналізуе сітуацыю з умовамі працы, занятасцю, узроўнем сацыяльных гарантый у кожнай з краін-удзельніц.-0-
