ДЗЯРЖОРГАНЫДЗЯРЖОРГАНЫ
Флаг Серада, 5 кастрычніка 2022
Мінск Суцэльная воблачнасць +10°C
Усе навіны
Усе навіны
Грамадства
04 жніўня 2022, 12:03

Новыя правілы прыёму для атрымання прафесійна-тэхнічнай адукацыі зацверджаны ў Беларусі

Фота з архіва
Фота з архіва

4 жніўня, Мінск /Кар. БЕЛТА/. Новыя правілы прыёму для атрымання прафесійна-тэхнічнай адукацыі зацверджаны ў Беларусі. Гэта прадугледжана пастановай Савета Міністраў нумар 497 "Аб пытаннях прафесійна-тэхнічнай адукацыі" ад 29 ліпеня 2022 года, паведамляе БЕЛТА са спасылкай на Нацыянальны прававы інтэрнэт-партал.

Правіламі ўрэгуляваны агульныя пытанні, а таксама парадак прыёму і залічэння асоб для атрымання прафесійна-тэхнічнай адукацыі (ПТА) у вочнай (дзённай, вячэрняй), завочнай і дыстанцыйнай формах атрымання адукацыі ва ўстановы адукацыі Беларусі, што рэалізуюць праграмы прафесійна-тэхнічнай адукацыі.

Так, атрымліваць ПТА маюць права беларусы незалежна ад месца жыхарства, замежныя грамадзяне і асобы без грамадзянства, якія пастаянна пражываюць у Беларусі. Акрамя таго, такое права маюць замежныя грамадзяне і асобы без грамадзянства, якія самі або іх сваякі па прамой узыходзячай лініі нарадзіліся або пражывалі на тэрыторыі сучаснай Беларусі і пастаянна пражываюць на тэрыторыі замежных дзяржаў. Атрымліваць прафесійна-тэхнічную адукацыю могуць замежныя грамадзяне і асобы без грамадзянства, якім прадстаўлены статус бежанца або прыстанішча ў Беларусі, а таксама грамадзяне Расіі, Казахстана, Кыргызстана, Таджыкістана. Пры гэтым вучыцца гэтыя катэгорыі асоб, якія паступілі, могуць у дзяржаўных установах адукацыі за кошт сродкаў рэспубліканскага і (або) мясцовых бюджэтаў, а таксама ў прыватных установах адукацыі за кошт сродкаў юрыдычных, фізічных асоб, ІП або ўласных сродкаў.

У дзяржустановах адукацыі іх прыём (залічэнне) ажыццяўляецца за кошт сродкаў рэспубліканскага і (або) мясцовых бюджэтаў у адпаведнасці са штогод устанаўліваемымі кантрольнымі лічбамі прыёму, на ўмовах мэтавай падрыхтоўкі рабочых (служачых) - у межах 50 працэнтаў ад кантрольных лічбаў прыёму па спецыяльнасці.

На платнай аснове ў прыватныя ўстановы адукацыі гэтыя катэгорыі грамадзян прымаюцца (залічаюцца) у адпаведнасці з лічбамі прыёму, якія ўстанаўліваюць кіраўнікі ўстаноў адукацыі па ўзгадненні з заснавальнікамі ўстаноў адукацыі і Міністэрствам адукацыі.

Дакументам таксама вызначаны парадак і тэрміны прыёму дакументаў і залічэння ва ўстановы адукацыі для атрымання прафесійна-тэхнічнай адукацыі.

Акрамя таго, пастановай зацверджаны Палажэнне аб арганізацыі харчавання і забеспячэнні харчаваннем навучэнцаў, якія атрымліваюць прафесійна-тэхнічную адукацыю, за кошт сродкаў рэспубліканскага і (або) мясцовых бюджэтаў, Палажэнне аб арганізацыі вытворчага навучання вучняў, курсантаў, якія асвойваюць змест адукацыйных праграм прафесійна-тэхнічнай адукацыі.

Пастанова ўступае ў сілу з 1 верасня 2022 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі