Фота з архіва
23 мая, Мінск /Кар. БЕЛТА/. Навальніцы і да плюс 27 градусаў чакаецца ў Беларусі 24 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе пераменная воблачнасць. Днём месцамі па ўсходзе пройдуць кароткачасовыя дажджы, магчымы навальніцы. Ноччу і раніцай у асобных раёнах слабы туман. Вецер няўстойлівы 2-7 м/с, пры навальніцах парывы да 14 м/с.
Тэмпература паветра ноччу складзе плюс 7-13 градусаў, месцамі - 5-6 градусаў. Днём паветра прагрэецца да 21-27 градусаў.-0-
