Сцяг Нядзеля, 23 чэрвеня 2024
Усе навіны
Усе навіны
Грамадства
17 мая 2024, 19:57

"На вашым прыкладзе многім трэба вучыцца". Рыжанкоў аб рабоце аб'ектаў сацсферы і прамысловасці Быхаўскага раёна


 

Максім Рыжанкоў. Фота з архіва
Максім Рыжанкоў. Фота з архіва
17 мая, Мінск /Кар. БЕЛТА/. Першы намеснік кіраўніка Адміністрацыі Прэзідэнта Максім Рыжанкоў наведаў Быхаўскі раён. Аб гэтым паведамляе БЕЛТА са спасылкай на рэдакцыю быхаўскай раённай газеты "Маяк Прыдняпроўя".

У графіку паездкі - наведванне разам са старшынёй райвыканкама Дзмітрыем Марціновічам шэрага працоўных калектываў для знаёмства з работай аб'ектаў сацыяльнай сферы і прамысловасці. Першым прыпынкам стала гімназія Быхава. Тут прэзентавалі работу па ваенна-патрыятычным выхаванні дзяцей, расказалі аб матэрыяльна-тэхнічнай базе, арганізацыі харчавання, вучэбна-адукацыйным працэсе, выніках работы ўстановы адукацыі. Максім Рыжанкоў паразмаўляў з педагогамі і пацікавіўся ў дзяцей, якім яны бачаць сваю прафесійную будучыню. У Быхаўскім фізкультурна-аздараўленчым цэнтры гасцей азнаёмілі з арганізацыяй фізкультурна-аздараўленчай работы з насельніцтвам па месцы жыхарства, развіццём турыстычнага патэнцыялу раёна.

Працягам візіту стала наведванне аднаго з буйнейшых прадпрыемстваў раёна - СЗАТ "Агралінк", якое актыўна развіваецца і ўпэўнена глядзіць у будучыню, нарошчваючы аб'ёмы вытворчасці, а таксама Быхаўскай цэнтральнай раённай бальніцы, дзе былі прааналізаваны падыходы да стварэння неабходных умоў для прадастаўлення даступнай, своечасовай і якаснай медыцынскай дапамогі.

Максім Рыжанкоў таксама наведаў электрастанцыю на аднаўляльных крыніцах энергіі ТАА "ЭнергаЛесКомплекс", дзе ў рамках даручэння Прэзідэнта Беларусі "Адзін раён - адзін праект" рэалізуецца інвестыцыйны праект, а таксама ўчастак па вырошчванні рыб каштоўных парод ААТ "Фарэлевая гаспадарка "Лахва".

Першы намеснік кіраўніка Адміністрацыі Прэзідэнта канстатаваў, што быў вельмі рады ўпершыню пабываць на быхаўскай зямлі. "На вашым прыкладзе многім трэба вучыцца, як па-сапраўднаму любіць сваю Радзіму, нашу непаўторную Беларусь, і як сваёй працай вярнуць гэтай Радзіме яе запатрабаванасць і значэнне з улікам выклікаў сучаснага часу", - адзначыў ён.-0-
Падпісвайцеся на нас у
Twitter
Топ-навіны
Свежыя навіны Беларусі