ДЗЯРЖОРГАНЫДЗЯРЖОРГАНЫ
Флаг Чацвер, 24 чэрвеня 2021
Мінск Пераменная воблачнасць +21°C
Усе навіны
Усе навіны
Грамадства
06 мая 2021, 16:15

Мінпрацы расказала аб падтрымцы ветэранаў Вялікай Айчыннай вайны

Фота з архіва
Фота з архіва

6 мая, Мінск /Кар. БЕЛТА/. У Беларусі пражываюць больш за 3,3 тыс. ветэранаў Вялікай Айчыннай вайны, паведаміла сёння журналістам начальнік галоўнага ўпраўлення сацыяльнага абслугоўвання і сацыяльнай дапамогі Міністэрства працы і сацыяльнай абароны Таццяна Фёдарава, перадае карэспандэнт БЕЛТА.

"Па стане на 1 красавіка ў Беларусі пражывалі 3337 ветэранаў Вялікай Айчыннай вайны, а таксама 11,5 тыс. грамадзян, якія пацярпелі ад наступстваў вайны", - расказала Таццяна Фёдарава.

Паводле яе слоў, самым узроставым удзельнікам і інвалідам вайны сёння ўжо больш за 100 гадоў, а самым маладым - каля 90 (гэта партызаны і падпольшчыкі).

"З улікам асаблівага статусу ветэранаў Вялікай Айчыннай вайны і пацярпелых асоб да іх пенсій у адпаведнасці з пенсійным заканадаўствам ажыццяўляецца штомесячная выплата ў выглядзе павышэння пенсіі ад 50 да 500 працэнтаў мінімальнага памеру пенсіі па ўзросце. І сёння такія выплаты да пенсій Герояў Савецкага Саюза складаюць Br342, а ў нас у рэспубліцы сёння пражываюць два Героі Савецкага Саюза - Іван Кустаў і Васіль Мічурын", - адзначыла начальнік галоўнага ўпраўлення.

Інваліды вайны 1-й і 2-й групы атрымліваюць каля Br273 да пенсіі, 3-й - Br171. "Удзельнікі вайны, а таксама тыя, хто прымаў удзел у размініраванні тэрыторый у 1943-1945 гадах, атрымліваюць па Br171, блакаднікі Ленінграда і былыя вязні фашысцкіх канцлагераў - па Br68, па Br34 выплачваецца да пенсій тым, хто ўзнагароджаны ордэнамі і медалямі СССР за самаадданую працу і бездакорную службу ў тыле, і інвалідам з дзяцінства ў выніку ранення, кантузіі, звязаных з вайной. Членам сем'яў, якія страцілі сваіх мужа або жонку на вайне і не ўзялі паўторны шлюб, выплачваюцца надбаўкі ў памеры ад Br68 да Br123. І з улікам вось гэтых надбавак сярэдні памер пенсіі інваліда вайны, паводле папярэдняй ацэнкі, у маі складзе Br832, а ўдзельніка вайны, зноў жа паводле папярэдняй ацэнкі, - Br690", - падкрэсліла Таццяна Фёдарава.

Начальнік галоўнага ўпраўлення адзначыла: гэта не адзіныя даплаты да пенсій, якія атрымліваюць ветэраны вайны і асобы, якія пацярпелі ад яе наступстваў. "Тыя, хто дасягнуў 75-гадовага ўзросту (а гэта ўжо сёння ўсе, хто нарадзіўся ў гады вайны), атрымліваюць штомесячную ўзроставую даплату. З 1 мая яе памер складае Br51 для тых, хто ва ўзросце 75-79 гадоў, ва ўзросце 80 гадоў і старэйшым - Br68. Акрамя даплаты па ўзросце дадаткова да пенсій тых, хто дасягнуў 80 гадоў, штомесячна выплачваецца надбаўка на догляд - гэта яшчэ Br34. Тым, хто дасягнуў 80-гадовага ўзросту і з'яўляецца інвалідам 1-й групы, гэта надбаўка вышэйшая ў два разы - Br68. Такім чынам, асобам, якія засталі гады вайны, удзельнікам вайны, асобам, якія пацярпелі ад яе наступстваў, выплачваецца тры віды надбавак, дадатковых выплат да пенсіі", - канстатавала яна.

Таццяна Фёдарава дадала: ветэраны вайны і пацярпелыя ад яе наступстваў - гэта асаблівыя катэгорыі. Таму ў адносінах да іх прымяняецца выяўны прынцып дадатковай сацыяльнай падтрымкі. "Для таго каб выявіць, якія праблемы ў гэтых людзей і ў чым яны маюць патрэбу, штогод праводзяцца абследаванні матэрыяльна-бытавых умоў іх пражывання. Традыцыйна гэта абследаванне праходзіць у першым квартале, каб да майскіх свят выканаць усе заяўкі, што паступілі. У бягучым годзе абследаваны 14,7 тыс. прадстаўнікоў гэтых катэгорый. І, як я ўжо сказала, мы пастараліся і да 1 мая выканалі ўсе заяўкі. Дапамогу атрымалі амаль 850 чалавек. Гэта прыбіранне жылых памяшканняў, прысядзібнай тэрыторыі, колка дроў, забеспячэнне дровамі, а таксама мерапрыемствы, якія накіраваны на ажыццяўленне бяспекі пражывання пажылых людзей: рамонт жылых памяшканняў, печаў, электраправодкі, газавага абсталявання і гэтак далей. Заяўкі, якія дадаткова паступаюць на працягу года, будуць аператыўна выконвацца. Да гэтага падключаюцца валанцёры, арганізацыі, прадпрыемствы", - растлумачыла прадстаўнік Мінпрацы.

Тыя, хто мае патрэбу ў дадатковай падтрымцы ў выглядзе сацыяльных паслуг, карыстаюцца сацабслугоўваннем, якое прадастаўляюць тэрытарыяльныя цэнтры сацыяльнага абслугоўвання насельніцтва і дамы-інтэрнаты. "Нагадаю: у нас 146 тэрытарыяльных цэнтраў (яны размяшчаюцца ў кожным адміністрацыйным раёне рэспублікі) і 83 дамы-інтэрнаты для дарослых. З ліку ветэранаў вайны і пацярпелых больш за 2 тыс. карыстаюцца сацыяльнымі паслугамі дома. Такія паслугі па заканадаўстве павінны аказвацца на ўмовах аплаты гэтым катэгорыям, але па рашэнні мясцовых органаў улады ўсе ветэраны Вялікай Айчыннай вайны вызвалены ад аплаты сацыяльнага абслугоўвання дома. У дамах-інтэрнатах кругласутачна сацыяльную медыцынскую дапамогу атрымліваюць 132 чалавекі названых катэгорый. Акрамя таго, за 711 ветэранамі і пацярпелымі грамадзянамі ажыццяўляецца індывідуальны догляд членамі сям'і з выплатай тым, хто даглядае, дапамогі па доглядзе інваліда 1-й групы альбо састарэлага старэйшага за 80 гадоў. Памер гэтай дапамогі складае бюджэт пражытачнага мінімуму. Гэта крыху больш за Br273", - сказала начальнік галоўнага ўпраўлення.

Акрамя таго, ветэранам вайны і асобам, якія пацярпелі ад яе наступстваў, прадастаўляецца шырокі спектр сацыяльных ільгот. Ветэраны атрымліваюць ільготы ў сферы аховы здароўя, санаторна-курортнага лячэння, па праездзе ў грамадскім транспарце, аплаце жыллёва-камунальных паслуг. Размова пра бясплатнае забеспячэнне лекавымі сродкамі, бясплатны выраб і рамонт зубных пратэзаў, бясплатнае забеспячэнне тэхнічнымі сродкамі сацыяльнай рэабілітацыі, першачарговае бясплатнае санаторна-курортнае лячэнне. Прычым калі Героі Савецкага Саюза альбо інваліды і ўдзельнікі Вялікай Айчыннай вайны не скарысталіся сваім правам, то ім выплачваецца грашовая дапамога на аздараўленне - 10 базавых велічынь. Ветэраны вайны маюць права на бясплатны праезд на ўсіх відах гарадскога пасажырскага транспарту, на 50-працэнтную скідку пры аплаце тэхабслугоўвання памяшканняў, дзе яны пражываюць.

"9 Мая - гэта вельмі важнае і асаблівае свята для ўсіх нас. Ветэранаў становіцца з кожным днём усё менш. Таму ў нас разгорнута вялікая колькасць мерапрыемстваў, накіраваных на захаванне памяці аб Вялікай Айчыннай вайне. Тэрытарыяльнымі цэнтрамі арганізоўваюцца сустрэчы з тымі, хто перажыў гэту вайну для таго, каб яны перадалі моладзі памяць аб тых страшных падзеях, расказалі, як адчувалі сябе ў тых абставінах, і данеслі да нашай моладзі думку аб тым, што паўтарэння такога не павінна быць, - рэзюмавала Таццяна Фёдарава. - Кожны ветэран Вялікай Айчыннай вайны будзе павіншаваны з гэтым святам, і работа гэта не спыніцца, таму што для нас гэта ўнікальная магчымасць яшчэ раз сустрэцца з людзьмі, якія прымалі ўдзел у тых вялікіх падзеях".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі