Фота з архіва
31 мая, Мінск /Кар. БЕЛТА/. У Мінску праходзіць 61-е пасяджэнне сумеснай кансультатыўнай групы па пытаннях кантролю над узбраеннямі міністэрстваў абароны Беларусі і Расіі. Аб гэтым БЕЛТА паведамілі ў Міністэрстве абароны.
Як расказалі ў ваенным ведамстве, ад расійскага боку ўдзел у пасяджэнні прымае дэлегацыя на чале з начальнікам нацыянальнага Цэнтра па змяншэнні ядзернай небяспекі Сяргеем Рыжковым. Беларускую дэлегацыю ўзначальвае начальнік упраўлення верыфікацыі Дэпартамента міжнароднага ваеннага супрацоўніцтва Міністэрства абароны Юрый Ракіцкі.
Бакі абмяркуюць рэгіянальную бяспеку, стан і перспектывы двухбаковага супрацоўніцтва ў галіне кантролю над узбраеннямі ў бягучых умовах ваенна-палітычнай абстаноўкі.-0-
