ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Малавоблачна -8°C
Усе навіны
Усе навіны
Грамадства
03 кастрычніка 2022, 11:47

Матусевіч: у Беларусі забяспечваецца пераемнасць гістарычнага развіцця

Фота з архіва
Фота з архіва

3 кастрычніка, Мінск /Кар. БЕЛТА/. У Беларусі забяспечваецца пераемнасць гістарычнага развіцця. Аб гэтым сказаў старшыня Дзяржаўнага камітэта па маёмасці Дзмітрый Матусевіч у час наведвання ААТ "БелВТІ", дзе азнаёміўся з вытворчымі магутнасцямі, экспартным патэнцыялам прадпрыемства і ўмовамі працы работнікаў, паведамілі БЕЛТА ў прэс-службе камітэта.

У час наведвання прадпрыемства адбылася сустрэча з працоўным калектывам, на якой разгледжаны асноўныя аспекты гісторыі беларускай дзяржаўнасці. "Перавагі геапалітычнага скрыжавання, у цэнтры якога знаходзіцца Беларусь, далі магчымасць нам не толькі пераадолець выклікі часу, але і прымножыць нацыянальны здабытак. Наша багатае гістарычнае мінулае - крыніца старадаўніх традыцый і вечных каштоўнасцей", - сказаў Дзмітрый Матусевіч.

Кіраўнік ведамства таксама дадаў, што ў Беларусі забяспечваецца пераемнасць гістарычнага развіцця. "Пабудаваная на фундаменце Перамогі дзядоў і прадзедаў у Вялікай Айчыннай вайне дзяржава выступае асновай народнага адзінства для цяперашніх і развіцця будучых пакаленняў беларусаў", - адзначыў ён.

На заканчэнне сустрэчы былі абмеркаваны пытанні асноўнай дзейнасці прадпрыемства, аплаты працы і перспектыў развіцця ААТ "БелВТІ". Гаспадарчая дзейнасць ААТ "БелВТІ" пераважна сканцэнтравана на зборы і перапрацоўцы адходаў электроннага і электрычнага абсталявання, адпрацаваных элементаў сілкавання і ртуцезмяшчальных люмінісцэнтных лямпаў, што прымаюцца ў юрыдычных і фізічных асоб. Акрамя таго, разбіраючы адходы электрычнага і электроннага абсталявання, прадпрыемства атрымлівае чорныя і каляровыя металы і адходы, што змяшчаюць каштоўныя металы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі