21 студзеня, Мінск /Кар. БЕЛТА/. Больш за 8,9 тыс. меркаванняў і прапаноў паступілі ад беларусаў па праекце Канстытуцыі, паведаміў карэспандэнту БЕЛТА дырэктар Нацыянальнага цэнтра прававой інфармацыі Андрэй Мацельскі.
"За тры з палавінай тыдні ўсенароднага абмеркавання тэкст праекта Канстытуцыі на Нацыянальным прававым інтэрнэт-партале быў прагледжаны 227 044 разы (з іх на беларускай мове 1547 разоў), спампаваны на прагляду на мабільных устройствах 10 189 разоў (з іх на беларускай мове - 217 разоў). Цэнтрам апрацавана 8919 меркаванняў і прапаноў па змесце праекта. Па крыніцах прадастаўлення інфармацыі: непасрэдна ў Нацыянальны цэнтр прававой інфармацыі паступіла 88,7 працэнта меркаванняў і прапаноў, ад грамадскіх аб'яднанняў - 8,5 працэнта, ад дзяржаўных органаў - 2,8 працэнта. Таксама накіравана больш за 20 пісем ад працоўных калектываў", - расказаў Андрэй Мацельскі.
Паводле яго слоў, у якасці асноўнага канала накіравання сваіх прапаноў грамадзяне выбралі электронную камунікацыю. "Так, шляхам запаўнення электроннай формы на Нацыянальным прававым інтэрнэт-партале і накіравання электронных пісем паступіла 90 працэнтаў меркаванняў і прапаноў. Шляхам пісьмовай карэспандэнцыі - 10 працэнтаў. Высокая актыўнасць і выказаныя ў рамках усенароднага абмеркавання меркаванні нашых грамадзян пацвердзілі значнасць і актуальнасць прапанаваных падыходаў па мадэрнізацыі Асноўнага закона. Выказана шмат асабістых ініцыятыў людзей па ўдасканаленні тэксту Канстытуцыі", - адзначыў дырэктар НЦПІ.
Андрэй Мацельскі падкрэсліў, што ў цэлым з 8919 водгукаў 8852 (99,25 працэнта) падтрымліваюць праект змяненняў і дапаўненняў у Канстытуцыю цалкам альбо змяшчаюць прапановы па ўдасканаленні асобных норм і структурных элементаў праекта, не адхіляючы базавых, самых значных навацый Канстытуцыі. Адмоўных меркаванняў па распрацаваным праекце паступіла нязначная колькасць. "Так, напрыклад, толькі 13 прапаноў накіраваны на захаванне дзеючай рэдакцыі Канстытуцыі (0,15 працэнта), 27 (0,3 працэнта) - супраць прапанаваных карэкціровак Канстытуцыі", - дадаў ён.-0-
