5 жніўня, Мінск /Кар. БЕЛТА/. У сувязі з рэзкім скачком тэмпературы на гэтым тыдні Міністэрства лясной гаспадаркі абмяжоўвае наведванне лясных масіваў для грамадзян. Паводле інфармацыі ведамства, у Беларусі забароны і абмежаванні ўведзены ў 62 раёнах, паведамляе БЕЛТА.
Паводле актуальнай інфармацыі, лясы Віцебскай вобласці па-ранейшаму можна наведваць. Абмежаванні і забароны не закранулі і тэрыторыі Магілёўскай вобласці.
Аднак абмежаванні ўведзены ў 19 раёнах Мінскай вобласці, 17 - Гродзенскай, 16 - Гомельскай і 10 - Брэсцкай.
Аператыўна сачыць за інфармацыяй можна на сайце Мінлясгаса з дапамогай інтэрактыўнай карты. Гэта дапаможа пазбегнуць рызык для ляснога фонду і штрафных санкцый для парушальнікаў, у тым ліку тых, хто дзейнічае па няведанні.-0-
