24 студзеня, Мінск /Кар. БЕЛТА/. РГА "Патрыёты Беларусі" для ваенна-патрыятычнага выхавання моладзі і папулярызацыі службы ва Узброеных сілах праводзяць трохдзённыя патрыятычныя лагеры для вучняў старшых класаў на тэрыторыі вучэбнага цэнтра Ваеннай акадэміі. Аб гэтым БЕЛТА паведамілі арганізатары.
Да ўдзелу ў забегах запрашаюцца змешаныя каманды, якія складаюцца з 14 чалавек 16-17 гадоў. Па розных напрамках і спецыяльнасцях для ўдзельнікаў праводзіцца навучанне, профільныя семінары, круглыя сталы, а таксама практычныя заняткі. Вынікам навучання і пражывання ў лагеры стане правядзенне марш-кідка з праходжаннем удзельнікамі лакацый і квестаў з практычным прымяненнем атрыманых навыкаў і ведаў.
Першы злёт быў праведзены з 21 па 23 кастрычніка 2022 года. З 27 па 29 студзеня адбудзецца чарговы заезд ваенна-патрыятычнага лагера "Выклік".-0-
