6 чэрвеня, Мінск /Кар. БЕЛТА/. У Беларусі створаны ўсе ўмовы для паспяховага развіцця лёгкай прамысловасці. Аб гэтым заявіла старшыня "Беллегпрама" Таццяна Лугіна на прэс-канферэнцыі, прымеркаванай да Дня работнікаў лёгкай прамысловасці, перадае карэспандэнт БЕЛТА.
"Усе ўмовы для развіцця і захавання лёгкай прамысловасці ў нас створаны, - падкрэсліла Таццяна Лугіна. - Мы сталі разумець, што мы не канкурэнты адзін аднаму ўнутры краіны. Мяне гэта радуе. Многія прадпрыемствы, кіраўнікі, каманды нацэлены на вынік, які мы атрымліваем у выглядзе прыбытку на знешніх рынках. Мы сфакусіраваны на ўнутрыгаліновай кааперацыі, каб задаволіць попыт і павялічыць прапанаванні на ўнутраным рынку, а таксама нарошчваць аб'ёмы і патэнцыял на знешніх рынках.
У цэлым, паводле яе слоў, галіне ёсць чым ганарыцца. "Трэба і далей узмоцнена працаваць, генерыраваць ідэі, сканцэнтраваць свае намаганні на пэўных нішах, праз сістэмную работу дабівацца вынікаў і пастаўленых мэт", - канстатавала старшыня канцэрна.
Таксама Таццяна Лугіна расказала пра праект #МЕРЧПЕРВОГО. "Гэта ўнікальны праект. Мы пастаянна яго падтрымліваем, напрыклад, да летняга сезона выпусцілі аксесуары для мужчын і жанчын з натуральнай скуры. Таксама выпусцілі дзіцячую і дарослую калекцыю адзення для адпачынку з тканін з дабаўленнем лёну і бавоўны. Яны вельмі зручныя. На восень мы рыхтуем шэраг новых пазіцый, каб асучасніваць і дапаўняць асартымент", - расказала кіраўнік "Беллегпрама".-0-
