ДЗЯРЖОРГАНЫДЗЯРЖОРГАНЫ
Флаг Панядзелак, 28 лістапада 2022
Мінск -3°C
Усе навіны
Усе навіны
Грамадства
26 верасня 2022, 16:47

Кулік: паліва для абагравання людзей у Еўропе не можа быць пад санкцыямі, гэта неразумна

Фота з архіва
Фота з архіва

26 верасня, Мінск /Кар. БЕЛТА/. Паліва для абагравання людзей у Еўропе не можа быць пад санкцыямі, гэта неразумна. Такое меркаванне ў інтэрв'ю БЕЛТА выказаў міністр лясной гаспадаркі Аляксандр Кулік.

У мінулым годзе арганізацыі Міністэрства лясной гаспадаркі выпусцілі 1,5 млн куб. м піламатэрыялаў, палавіну з якіх рэалізавалі ўнутры краіны, а палавіну адгрузілі на экспарт. "Трэба прызнаць, што ўведзеныя супраць галіны санкцыі з боку Еўрапейскага саюза на некаторы час запаволілі работу нашых прадпрыемстваў, але разам з тым не спынілі. Больш таго, па выніках жніўня мы ўжо выйшлі на сярэднямесячны аб'ём адгрузкі піламатэрыялаў 2021 года - 62 тыс. куб. м. Прадукцыя была пастаўлена ў дружалюбныя нам краіны. Гэта значыць сёння мы можам гаварыць аб тым, што задачу пераарыентаваць рынкі збыту мы выканалі. Безумоўна, еўрапейскі рынак быў больш зручным і маржынальным для нас. Але нашы цэхі працуюць, валютная выручка паступае", - расказаў Аляксандр Кулік.

За апошнія гады створана нямала новых пелетных вытворчасцей. Цяпер у галіне працуюць больш за 20 пелетных заводаў і яшчэ некалькі праектаў знаходзяцца на заключнай стадыі рэалізацыі. Дзеючыя прадпрыемствы вырабляюць каля 300 тыс. т прадукцыі ў год, а пасля ўводу ў эксплуатацыю астатніх плануецца выйсці на аб'ём 450 тыс. т.

"Не буду ўтойваць: мы чакаем адкрыцця еўрапейскага рынку, таму што паліва для абагравання людзей не можа быць пад санкцыямі. Гэта абсалютна неразумнае вырашэнне пытання і да палітыкі не мае ніякага дачынення. Кошт тоны пелет у Беларусі цяпер складае каля $100, і гэта цалкам нармальная цана. Напрыклад, у Польшчы за апошнія месяцы кошт пелет узрос да 2 тыс. злотых. Для людзей гэта непад'ёмная сума. І мы перакананы, што рана ці позна еўрапейскія палітыкі ўсвядомяць, што санкцыі б'юць перш за ўсё па дабрабыце іх жа грамадзян", - адзначыў міністр.

Паводле яго слоў, цяпер ведамства выбудоўвае новыя лагістычныя ланцужкі і выходзіць на новыя рынкі збыту. Заключаныя кантракты ўжо ёсць. "Аб'ёмы пакуль невялікія, але гэта першыя партыі, якія дадуць магчымасць нам выбудаваць доўгатэрміновае супрацоўніцтва з новымі спажыўцамі", - сказаў Аляксандр Кулік.

Што датычыцца дзелавой драўніны, то яе перапрацоўкай у краіне пераважна займаюцца буйныя мадэрнізаваныя прадпрыемствы. "Лічу абсалютна правільным прынятае ў свой час рашэнне Прэзідэнта аб забароне экспарту круглых лесаматэрыялаў, таму што ўся драўніна, дзелавая гэта або дрывяная, павінна перапрацоўвацца ўнутры краіны. Мы сёння бачым, наколькі гэта рашэнне апраўдала сябе. Напрыклад, ААТ "Івацэвічдрэў" сёння перапрацоўвае 0,5 млн куб. м драўніны, выпускае пліты МДФ, якія карыстаюцца вялікім попытам у мэбельшчыкаў. У сваю чаргу ААТ "Светлагорскі цэлюлозна-кардонны камбінат" перапрацоўвае 2,5 млн куб. м нізкасортнай або нават дрывяной драўніны і выпускае запатрабаваную экспартна арыентаваную прадукцыю", - канстатаваў кіраўнік ведамства.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі