25 студзеня, Мінск /Кар. БЕЛТА/. У Міністэрстве транспарту і камунікацый расказалі, якія дарогі і масты будуць адрамантаваны ў Беларусі ў гэтым годзе, паведамляе БЕЛТА.
У планах пачаць рэканструкцыю аўтадарогі Р46 Лепель - Полацк - граніца Расіі (Юхавічы). Будуць адрамантаваны яшчэ некалькі ўчасткаў рэспубліканскіх дарог, у тым ліку на Р53 Слабада - Навасады, дзе ўжо вядуцца работы. Прапрацоўваецца пытанне рэканструкцыі ўчастка аўтадарогі М3 ад Лагойска да Плешчаніц.
Запланаваны рамонт 37 мастоў на дарогах рэспубліканскага значэння, у тым ліку моста цераз Прыпяць на аўтадарозе Р131 Калінкавічы - Мазыр працягласцю больш за 900 м, моста цераз раку Ашмянка на аўтадарозе М7/Е28 Мінск - Ашмяны - граніца Літвы (Каменны Лог), пуцеправода цераз чыгунку на дарозе Р2 Стоўбцы - Івацэвічы - Кобрын, пуцеправода на аўтадарозе М10 граніца Расіі (Селішча) - Гомель - Кобрын, а таксама моста цераз раку Свячанка на аўтадарозе М3 Мінск - Віцебск.
Усяго ў адпаведнасці з дзяржпраграмай у 2023 годзе плануецца выканаць рамонт і рэканструкцыю каля 1 тыс. км рэспубліканскіх дарог і 3,8 тыс. паг. м дарожных збудаванняў. Мясцовых дарог будзе адрамантавана 1413 км.-0-
