ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
Грамадства
25 кастрычніка 2021, 09:03

Інфекцыяніст адказаў скептыкам, якія лічаць вакцыны супраць COVID-19 недастаткова вывучанымі

25 кастрычніка, Мінск /Кар. БЕЛТА/. Вакцыны супраць COVID-19 сапраўды бяспечныя, паведаміў журналістам загадчык кафедры інфекцыйных хвароб і дзіцячых інфекцый Беларускай медыцынскай акадэміі паслядыпломнай адукацыі Юрый Горбіч, перадае карэспандэнт БЕЛТА.

Многія людзі лічаць вацыны супраць COVID-19 малавывучанымі, таму хочуць паназіраць, але такая пазіцыя можа быць небяспечнай з-за сур'ёзных наступстваў у выглядзе хваробы, лічыць Юрый Горбіч. "Цяпер няма чалавека, у якога ў асяроддзі не было б ніводнага вакцынавага. З імі нешта здарылася? Нічога. Наадварот, яны атрымалі перавагу ў выглядзе абароны", - сказаў ён.

Наконт меркавання, што "вакцыны малавывучаны", загадчык кафедры заўважыў: "Адзіны этап у прызнанні вакцын, які не скарачаецца ніколі, - этап праверкі бяспекі. Можа быць скарочаны этап праверкі эфектыўнасці, гэта праўда. Але этап праверкі бяспекі не скарачаецца. Таму вакцыны мінімум бяспечныя", - сказаў ён.

Юрый Горбіч пагадзіўся, што на першапачатковым этапе прымянення вакцын супраць COVID-19 маглі ўзнікнуць цалкам абгрунтаваныя пытанні аб іх эфектыўнасці. Аднак на сёння набыты вопыт іх прымянення, які даказвае, што вакцынацыя рэальна ратуе жыцці.

"Па стацыянарах відаць: колькасць вакцынаваных людзей там у разы меншая, чым невакцынаваных. Пра рэанімацыі я ў прынцыпе маўчу - там адзінкавыя выпадкі вакцынаваных. І яшчэ адна рэч, на якую хачу звярнуць увагу і пра якую мала гавораць: тыя, хто хварэў раней, цяпер хварэюць у вялікай колькасці. Вакцынаваных мала, а вось перахварэўшых раней - шмат. Гэта пацвярджае і вопыт замежных калег. Таму перахварэўшыя таксама павінны вакцынавацца", - сказаў ён.

Юрый Горбіч таксама заўважыў, што з зайздроснай рэгулярнасцю чуе фразу "чаму я не зрабіў гэтага раней" (не вакцынаваўся. - Заўвага БЕЛТА). "Так кажуць асабліва тыя, хто хварэў цяжка. А тыя, хто перанёс лёгка, лічаць, што гэта іх не закране. Хачу засмуціць: кітайцы даказалі чатыры выпадкі захворвання ў аднаго чалавека. Цяпер японцы апісваюць пяты выпадак. Пакуль гэта непацверджаныя даныя, але гэта ёсць", - сказаў ён.

Паводле слоў загадчыка кафедры, абсалютная большасць людзей баіцца ўсяго новага. Мноства скептыкаў было і ў час урача Эдварда Джэнера, які стварыў на аснове каровінай воспы надзейную і бяспечную вакцыну. "Калі б тады быў інтэрнэт, не прышчапіўся б сапраўды ніхто", - іранічна заўважыў Юрый Горбіч. Што датычыцца вакцыны супраць COVID-19 Vero Cell, то яна створана па тэхналогіі, якая добра вядома. "У прынцыпе, першыя вакцыны ў свеце распрацоўваліся па гэтай тэхналогіі", - дадаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі