2 чэрвеня, Масква /Эдуард Півавар - БЕЛТА/. Група высокага ўзроўню Савета Міністраў Саюзнай дзяржавы 2 чэрвеня ў Маскве разгледзела 16 пытанняў у эканоміцы, транспарце, будаўніцтве і гуманітарнай сферы. Аб гэтым паведаміў журналістам па выніках пасяджэння дзяржаўны сакратар Саюзнай дзяржавы Дзмітрый Мезенцаў, перадае карэспандэнт БЕЛТА.
"Разгледжаны 16 змястоўных пытанняў, якія прысвечаны ўзаемадзеянню ў рэальных сектарах эканомікі, у сферах транспарту, будаўніцтва, мытнага рэгулявання і таму, што раней мы не закраналі. Мы разглядалі пытанні гуманітарнай сферы менавіта таму, што рашэннем Савета Міністраў Саюзнай дзяржавы зняты абмежаванні на прымяненне мер і крокаў падтрымкі ў гуманітарнай сферы. Гэта адукацыя, культура, ахова здароўя", - сказаў Дзмітрый Мезенцаў.
Дзяржсакратар падзякаваў сустаршыням Групы высокага ўзроўню - паслу Беларусі ў Расіі Дзмітрыю Крутому і віцэ-прэм'еру Расіі Аляксею Аверчуку за прыўнясенне новай практыкі супрацоўніцтва, якая дае магчымасць хутка вырашаць пытанні суб'ектаў гаспадарання і аператыўна рыхтаваць рашэнні на ўзроўні кіраўнікоў дзяржаў, урадаў і парламентаў для забеспячэння тэхналагічнага суверэнітэту Саюзнай дзяржавы.-0-
