29 сакавіка, Мінск /Кар. БЕЛТА/. Пытанні бяспекі краіны і ўстойлівага развіцця эканомікі ва ўмовах санкцый - сярод чаканых тэм Паслання Прэзідэнта беларускаму народу і парламенту, якое запланавана на 31 сакавіка. Такое меркаванне выказаў журналістам старшыня Прэзідыума Нацыянальнай акадэміі навук Беларусі Уладзімір Гусакоў, перадае карэспандэнт БЕЛТА.
"Пасланне Прэзідэнта беларускаму народу і парламенту, несумненна, выкліча вялікі інтарэс і рэзананс. Мяркую, будуць закрануты пытанні як палітычнай, так і эканамічнай сферы, прамысловасці, энергетыкі, навукі. Нам трэба забяспечыць устойлівае развіцця эканомікі і бяспеку краіны ва ўмовах санкцый і ў цэлым знешняга націску. Думаю, кіраўнік дзяржавы будзе аб гэтым гаварыць", - сказаў Уладзімір Гусакоў.
Актуальныя і пытанні ўзаемадзеяння з Расіяй, Кітаем. "За апошнія гады сумесна з Расіяй намі выканана больш за 50 праграм, у тым ліку толькі Акадэміяй навук - звыш 20. Мы змаглі вельмі моцна рушыць наперад у галіне фундаментальнай і прыкладной навукі, прыборнай базы. Рэалізуюцца 28 саюзных праграм па інтэграцыі. Важна і супрацоўніцтва з Кітаем, там таксама нашы сябры і партнёры", - адзначыў старшыня Прэзідыума НАН.-0-
