Сцяг Серада, 24 красавіка 2024
Усе навіны
Усе навіны
Грамадства
23 лютага 2024, 14:03

Грызлоў: Расія і Беларусь гатовы да адбіцця любой пагрозы, незалежна ад яе характару і маштабу

Барыс Грызлоў. Фота з архіва ТАСС
Барыс Грызлоў. Фота з архіва ТАСС
23 лютага, Мінск /Кар. БЕЛТА/. Расія і Беларусь гатовы да адбіцця любой пагрозы, незалежна ад яе характару і маштабу. Аб гэтым гаворыцца ў віншаванні ад імя пасла Расійскай Федэрацыі ў Рэспубліцы Беларусь Барыса Грызлова, паведамілі БЕЛТА ў расійскай дыпмісіі.

Барыс Грызлоў падкрэсліў, што дата 23 лютага для Расіі і Беларусі з'яўляецца агульным, аб'яднальным святам. "Мы, дыпламаты і дзяржслужачыя, робім сваю работу, ведаючы, што жыццё і дабрабыт грамадзян Саюзнай дзяржавы - у надзейных руках мужчын і жанчын у ваеннай форме Узброеных сіл Расіі і Беларусі, якія кожную хвіліну стаяць на варце нашай бяспекі", - падкрэсліў ён.

Паводле слоў дыпламата, у краін існуе шматгадовы вопыт цеснага ўзаемадзеяння ў ваеннай сферы. Гэта дзясяткі праведзеных сумесных вучэнняў і пастаянны абмен інфармацыяй па лініі абаронных ведамстваў.

"Гатова выконваць баявыя задачы адзіная рэгіянальная групоўка войскаў, дзейнічае адзіная сістэма ППА. Патруляванне заходніх граніц Саюзнай дзяржавы ажыццяўляецца сумеснымі сіламі. На тэрыторыі Беларусі размешчаны найноўшыя ўзоры расійскага ўзбраення, а з нядаўняга часу - і тактычная ядзерная зброя. Нашы краіны гатовы да адбіцця любой пагрозы, незалежна ад яе характару і маштабу", - адзначыў Барыс Грызлоў.

“Гісторыя паказала, што нашым ворагам ніколі не ўдасца нас раз'яднаць. Мы заўсёды стаім плячо ў плячо. У нас жыве дух пераможцаў, нашых бацькоў, дзядоў і прадзедаў. Нам выпаў гонар захоўваць і перадаваць праз пакаленні памяць аб нашых агульных ратных подзвігах і слаўным летапісе вялікіх перамог, якіх хапіла б на ўсе арміі свету разам узятыя", - гаворыцца ў віншаванні.-0-
Падпісвайцеся на нас у
Twitter
Топ-навіны
Свежыя навіны Беларусі