22 мая, Мінск /Кар. БЕЛТА/. Праўду пра зверствы Украінскай паўстанцкай арміі і паходжанне ўкраінскага нацыяналізму спрабуюць прымусіць забыць, таму што гэта можа быць нязручна для некаторых украінцаў. Такі пункт гледжання ў праекце "У тэме" на YouTube-канале БЕЛТА агучыў ваенна-палітычны эксперт і блогер Міхаіл Ануфрыенка.
"Для мяне ўкраінскі нацыяналізм - гэта галіцкі нацыяналізм. І я ведаю, хто складаў 118-ы шуцманшафт-батальён, які лютаваў у Хатыні. Я ведаю, адкуль былі гэтыя нелюдзі. Мне не трэба тлумачыць, што гэта не адэсіты, не харкаўчане і не кіяўляне. І нас спрабуюць прымусіць гэта забыць, таму што гэта нязручная праўда. Калі мне расказваюць, што Шухевіч - гэта герой УПА, я пытаюся, а чаму ён уласна герой. І мне адказваюць, што ён узначальваў Украінскую паўстанцкую армію", - сказаў Міхаіл Ануфрыенка.
З 1939 года Раман Шухевіч служыў у складзе батальёна "Нахцігаль" на баку Вермахта. "Ён з Чырвонай Арміяй не ваяваў ніводнага дня і быў расфарміраваны. Восенню 1941 года ён ператварыўся ў 201-ы шуцманшафт-батальён, які да канца 1942 года ваяваў у Беларусі з партызанамі. Гэта кіраўнік Украінскай паўстанцкай арміі? А што ён тады рабіў у Беларусі? А потым Украінская паўстанцкая армія ўчыніла Валынскую разню. Дзе там барацьба за свабодную Украіну? Спачатку яны разам з немцамі выразалі яўрэяў у тым жа Львове, потым ваявалі з беларускімі партызанамі, а потым знішчалі мірнае насельніцтва польскай нацыянальнасці ў Валынскай вобласці", - нагадаў гісторыю Украінскай паўстанцкай арміі Міхаіл Ануфрыенка.-0-
