2 чэрвеня, Мінск /Кар. БЕЛТА/. Некаторыя сістэмныя недахопы ў сістэме аховы здароўя ўжо ўстараняюцца, паведаміў БЕЛТА намеснік начальніка ўпраўлення Генеральнай пракуратуры Вячаслаў Дземідовіч.
Па даручэнні кіраўніка дзяржавы пытанні законнасці ў сферы аховы здароўя знаходзяцца на асаблівым кантролі органаў пракуратуры.
Паводле слоў Вячаслава Дземідовіча, у полі зроку - усе ўстановы аховы здароўя: ад фельчарска-акушэрскіх пунктаў да сталічных бальніц і рэспубліканскіх навукова-практычных цэнтраў.
Як паведаміў намеснік начальніка ўпраўлення Генпракуратуры, устаноўлены сістэмныя недахопы, якія ўжо цяпер устараняюцца.
Па патрабаванні пракурораў сотні грамадзян пастаўлены ў чаргу на правядзенне аперацый па эндапратэзаванні, шэраг з іх праапераваны ўжо.
Умяшанне пракурораў дазволіла выявіць праблемы, якія датычацца забеспячэння даступнасці медыцынскай дапамогі ў вёсцы, прывядзення ў належны стан фельчарска-акушэрскіх пунктаў, забеспячэння іх лякарствамі.
Выяўлены недахопы ў дыспансерызацыі і рабоце па ранняй дыягностыцы анкалагічных захворванняў.
Таксама на кантролі застаюцца пытанні аснашчэння аўтамабіляў хуткай медыцынскай дапамогі, эфектыўнага выкарыстання дарагога абсталявання, арганізацыі меддапамогі ва ўстановах адукацыі, іншыя хвалюючыя насельніцтва праблемы.-0-
