ДЗЯРЖОРГАНЫДЗЯРЖОРГАНЫ
Флаг Пятніца, 23 ліпеня 2021
Мінск Пераменная воблачнасць +24°C
Усе навіны
Усе навіны
Грамадства
23 чэрвеня 2021, 14:13

Галоўны ўдар гібрыднай вайны, якая вядзецца супраць Беларусі, прыпадае на эканоміку - Хрэнін

Віктар Хрэнін. Фота Міністэрства абароны
Віктар Хрэнін. Фота Міністэрства абароны

23 чэрвеня, Масква /Эдуард Півавар - БЕЛТА/. Галоўны ўдар гібрыднай вайны, якая вядзецца супраць Беларусі, прыпадае на эканоміку краіны. Аб гэтым заявіў міністр абароны Беларусі Віктар Хрэнін, выступаючы сёння на пленарным пасяджэнні IX Маскоўскай канферэнцыі па міжнароднай бяспецы, перадае карэспандэнт БЕЛТА.

Віктар Хрэнін канстатаваў, што супраць Беларусі выкарыстоўваецца інструментарый гібрыднай вайны. "Галоўны ўдар прыпадае на эканоміку і ўсё, што прыносіць грошы, - сказаў ён. - Бітва ідзе за кантроль над фінансавымі патокамі. Эканамічныя санкцыі, пратэкцыянісцкія меры, нядобрасумленная канкурэнцыя - не грэбуюць нічым. Напрыклад, нядаўні выпадак з самалётам ірландскай кампаніі Ryanair: яго выкарыстоўвалі для зніжэння транзітнага патэнцыялу Беларусі, знішчэння беларускага авіяперавозчыка і сістэмы паветранай навігацыі".

Міністр адзначыў, што размешчаныя ў краінах Еўропы войскі ЗША дазваляюць сцвярджаць аб акупацыі гэтых дзяржаў. "Зыходзячы з логікі акупацыі еўрапейскіх дзяржаў Амерыкай, становіцца зразумелай іх рэакцыя на суверэнныя дзеянні Рэспублікі Беларусь, - заявіў ён. - Верагодна, не дае спакою ўшчэмленая нацыянальная гордасць краін Еўропы, якія не маюць ва ўмовах фактычнай акупацыі такога права на суверэнітэт. Таму з'яўляецца жаданне зрабіць невялікую Беларусь краінай-ізгоем і знішчыць яе".

У форуме ўдзельнічаюць міністры абароны, начальнікі генеральных штабоў, дэлегацыі ваенных ведамстваў са 109 дзяржаў, а таксама прадстаўнікі міжнародных арганізацый: СНД, АДКБ, ААН, АБСЕ, Міжнароднага камітэта Чырвонага Крыжа, Лігі арабскіх дзяржаў. Абмяркоўваюцца праблемы глабальнай і рэгіянальнай стабільнасці, розныя аспекты бяспекі ў Еўропе, Азіі, Афрыцы, на Блізкім Усходзе і ў Лацінскай Амерыцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі