ДЗЯРЖОРГАНЫДЗЯРЖОРГАНЫ
Флаг Панядзелак, 29 мая 2023
Мінск Ясна +10°C
Усе навіны
Усе навіны
Грамадства
23 сакавіка 2023, 12:33

Факсімільнае Евангелле Дастаеўскага прадставілі на кніжнай выстаўцы-кірмашы ў Мінску

Фота nlb.by
Фота nlb.by

23 сакавіка, Мінск /Кар. БЕЛТА/. Факсімільнае выданне Евангелля, якое належала Фёдару Дастаеўскаму, прадставілі на ХХХ Мінскай міжнароднай кніжнай выстаўцы-кірмашы, паведамляе карэспандэнт БЕЛТА.

"Выданне - падарунак расійскай дэлегацыі Нацыянальнай бібліятэцы Беларусі. Яго падарылі ў 2017 годзе. Унікальнае выданне было прызёрам розных конкурсаў. Гэта тое самае Евангелле, якое падарылі Дастаеўскаму, калі ён быў у высылцы ў Табольску і адбываў там пакаранне", - адзначыла загадчыца сектара арганізацыі кніжных выставак НББ Святлана Кажамяка.

Яна нагадала гісторыю гэтага Евангелля. Кнігу Дастаеўскаму падарыла жонка дзекабрыста Фанвізіна. "У пачатку знаходжання ў турме ў Дастаеўскага не было ні алоўка, ні ручкі, каб рабіць паметкі. І ён іх рабіў ногцем, - расказала загадчыца сектара. - Але як узнавіць Евангелле, у якім Дастаеўскі нешта прадрапаў? Спатрэбіліся час, новыя тэхналогіі - і дзякуючы высокадакладным сканерам удалося поўнасцю ўзнавіць кожны загібчык і зазорчык, які ён зрабіў".

Да факсімільнага выдання прыкладзены каментарыі да паметак пісьменніка. Яшчэ два тамы - зборнікі навуковых матэрыялаў і даследаванняў.

"Па сутнасці, гэта тое Евангелле, з якога і пачаў свой шлях Фёдар Дастаеўскі. Да гэтага ён не пісаў. Гэта Евангелле і парадзіла філасофію Дастаеўскага", - адзначыла Святлана Кажамяка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі