16 сакавіка, Мінск /Кар. БЕЛТА/. На працягу месяца літоўскі бок прапускаў на сваю тэрыторыю 50 працэнтаў грузавікоў ад нормы. Аб гэтым БЕЛТА паведамілі ў Дзяржаўным пагранічным камітэце.
Як адзначылі ў ДПК, улады Літвы 16 лютага ў аднабаковым парадку спынілі ўзаемадзеянне з Беларуссю па забеспячэнні бесперабойнага патоку транспарту праз граніцу. Тым самым яны ўзялі на сябе адказнасць за стварэнне чэргаў у пунктах пропуску па абодва бакі.
На працягу месяца кантрольныя службы Літвы прапускалі на сваю тэрыторыю ў сярэднім каля 50 працэнтаў грузавікоў ад нормы. Легкавушкі таксама афармляліся з істотнымі затрымкамі.
Праз найбольш загружаны пункт пропуску на літоўскім напрамку, "Мядзінінкай" (сумежны "Каменны Лог") штосутачна ў краіны ЕС уязджае каля 30 працэнтаў фур і легкавых аўто ад нормы.
Аналагічная сітуацыя фіксуецца і на польскім напрамку. Пасля закрыцця пункта пропуску "Баброўнікі" ("Бераставіца") польскі бок у адзіным пункце пропуску для велікагрузаў "Кукурыкі" ("Казловічы") афармляе каля 55 працэнтаў грузавікоў ад нормы. Праз пункт пропуску "Цярэспаль" ("Брэст") у Польшчу штосутачна ўязджае каля 30 машын з 70 неабходных.-0-
