Сцяг Субота, 25 мая 2024
Усе навіны
Усе навіны
Грамадства
24 красавіка 2024, 11:39

ДПК: больш за ўсё транспарту на ўезд у ЕС сабралася на граніцы з Літвой

Фота з архіва
Фота з архіва
24 красавіка, Мінск /Кар. БЕЛТА/. Літоўскі напрамак застаецца самым загружаным на ўезд у Еўрасаюз з тэрыторыі Беларусі. Аб гэтым БЕЛТА паведамілі ў Дзяржпагранкамітэце.

Па стане на 10.00 больш за 1270 адзінак грузавога транспарту чакае ўезду ў Літву. Сумежныя кантрольныя службы за суткі прынялі на сваю тэрыторыю толькі 26 працэнтаў велікагрузаў ад нормы.

Перад латвійскім пунктам пропуску "Патэрніекі" (сумежны "Грыгароўшчына") фіксуецца 600 фур. Праз гэты пагранпераход на сумежную тэрыторыю прайшло 38 працэнтаў грузавых аўто.

Кантрольныя службы польскага пункта пропуску "Кукурыкі" (сумежны "Казловічы") прынялі на сваю тэрыторыю за суткі 52 працэнты грузавога транспарту.

Амаль 200 легкавых аўто фіксуецца перад польскім пагранпераходам "Цярэспаль" (сумежны "Брэст"). Перад літоўскім пунктам пропуску "Шальчынінкай" (сумежны "Беняконі") уезду чакае 45 легкавушак.-0-
Падпісвайцеся на нас у
Twitter
Топ-навіны
Свежыя навіны Беларусі