Фота з архіва
20 сакавіка, Мінск /Кар. БЕЛТА/. Кароткачасовыя дажджы і да 13 градусаў цяпла чакаецца ў Беларусі 21 сакавіка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак, 21 сакавіка, будзе воблачнае з праясненнямі надвор'е. Уначы пераважна па паўночна-заходняй палове краіны, а раніцай і ўдзень у многіх раёнах пройдуць кароткачасовыя дажджы. У начны і ранішні час месцамі магчымы слабы туман, а па паўночным усходзе на асобных участках дарог будзе галалёдзіца. Вецер прагназуецца паўднёвы з пераходам на заходні 4-9 м/с.
Тэмпература паветра ўначы складзе ад нуля да плюс 6 градусаў, а ўдзень - 7-13 градусаў цяпла.-0-
