23 лістапада, Гомель /Кар. БЕЛТА/. Супрацоўнікі Дзяржаўтаінспекцыі Гомельскай вобласці з 24 па 26 лістапада правядуць масіраваную адпрацоўку дзвюх аўтадарог - Р31 Бабруйск - Мазыр - граніца Украіны і М8 граніца Расійскай Федэрацыі - Віцебск - Гомель - Кобрын. Аб гэтым БЕЛТА паведамілі ў аддзяленні па агітацыі і прапагандзе ДАІ УУС аблвыканкама.
Увага вартавых дарог будзе нацэлена на спыненне грубых парушэнняў ПДР. У іх ліку - кіраванне транспартам у стане ап'янення, без правоў, перавышэнне скорасных рэжымаў, парушэнне правіл абгону і перавозкі пасажыраў, у першую чаргу дзяцей.
Праваахоўнікі пракантралююць і тое, як пешаходы і веласіпедысты выкарыстоўваюць у цёмны час сутак святловяртальныя элементы, камізэлькі павышанай бачнасці.
Пры адпрацоўцы супрацоўнікі ДАІ будуць выкарыстоўваць галосны, негалосны і змешаны кантроль.-0-
