22 мая, Мінск /Кар. БЕЛТА/. Кароткачасовыя дажджы і навальніцы прагназуюць у Беларусі 23 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе пераменная воблачнасць. Удзень месцамі, пераважна на ўсходзе, пройдуць кароткачасовыя дажджы, магчымы навальніцы. Уначы і раніцай у асобных раёнах па поўначы згусціцца слабы туман. Вецер няўстойлівы 2-7 м/с, пры навальніцах парывы да 14 м/с.
Тэмпература паветра ўначы складзе 6-12 градусаў, удзень - 20-25 градусаў цяпла.-0-
