1 чэрвеня, Мінск /Кар. БЕЛТА/. Садружнасць Незалежных Дзяржаў сутыкнулася з беспрэцэдэнтнымі выклікамі і пагрозамі. Аб гэтым на 52-м пасяджэнні Савета кіраўнікоў органаў бяспекі і спецслужбаў дзяржаў - удзельніц СНД заявіў дырэктар ФСБ Расіі Аляксандр Бортнікаў, перадае карэспандэнт БЕЛТА.
"Свет апынуўся на парозе карэннай трансфармацыі, а Садружнасць Незалежных Дзяржаў сутыкнулася з беспрэцэдэнтнымі па сваім маштабе выклікамі і пагрозамі. ЗША, Вялікабрытанія і іх саюзнікі па НАТА адкрыта праводзяць курс на дэзынтэграцыю постсавецкай прасторы і фактычную ліквідацыю нацыянальнага суверэнітэту нашых дзяржаў. Вашынгтон і Лондан ажыццяўляюць непасрэднае ўмяшанне ва ўнутраныя справы краін - удзельніц СНД", - заявіў Аляксандр Бортнікаў.
Паводле слоў дырэктара Федэральнай службы бяспекі, заходнія дзяржавы робяць спробы разбурыць гандлёва-эканамічныя, культурныя і гістарычныя сувязі паміж народамі СНД. "Укараненне Захадам інструментаў маніторынгу рэжыму санкцый у рэчаіснасці мае на мэце ўстанаўленне татальнага і доўгатэрміновага кантролю над міждзяржаўнымі і ўнутранымі фінансавымі патокамі на прасторы Садружнасці", - заявіў Аляксандр Бортнікаў.-0-
