ДЗЯРЖОРГАНЫДЗЯРЖОРГАНЫ
Флаг Чацвер, 24 чэрвеня 2021
Мінск Пераменная воблачнасць +21°C
Усе навіны
Усе навіны
Грамадства
15 мая 2021, 09:44

"Белавія" з 31 мая адкрывае прамы рэйс з Мінска ва Уфу

Фота з архіва
Фота з архіва

15 мая, Мінск /Кар. БЕЛТА/. Авіякампанія "Белавія" з 31 мая пачне выконваць прамыя рэйсы ў яшчэ адзін расійскі горад - Уфу, паведамілі БЕЛТА ў прэс-службе авіяперавозчыка.

Уфа на гэты момант стане 10-м рэгулярным маршрутам "Белавія" ў Расію.

"Белавія" будзе лятаць па маршруце Мінск - Уфа - Мінск адзін раз на тыдзень па панядзелках. Вылет з Нацыянальнага аэрапорта Мінск назначаны на 00.10, прыбыццё ў Міжнародны аэрапорт Уфа - у 04.55. Рэйс назад плануецца ў 06.20 з прылётам у Мінск у 07.05. Час для ўсіх аэрапортаў пазначаны мясцовы.

"Расійскія маршруты заўсёды карысталіся вялікай папулярнасцю ў беларусаў і транзітных пасажыраў. Таму аднаўляць і пашыраць нашу карту палётаў у гэтым напрамку - адна з прыярытэтных задач цяпер. Мы рады, што ёсць хоць нейкі прагрэс: у пачатку мая "Белавія" ўжо запусціла два рэйсы ў Расію - у Екацярынбург і Самару. Цяпер вось - Мінск - Уфа - Мінск. Спадзяёмся, што ў хуткім часе мы парадуем вас іншымі добрымі навінамі. Пандэмія ўсё яшчэ не пакінула нас, але свет вучыцца нанова будаваць камунікацыю. І здаецца, гэта атрымліваецца", - адзначыў генеральны дырэктар "Белавія" Ігар Чаргінец.

Цана за адзін білет стартуе ад 98 еўра па мінімальным тарыфе без багажу (LIGHT), у абодва бакі - ад 183 еўра. Даведацца падрабязна пра іншыя тарыфы і дакладны расклад можна на сайце авіякампаніі belavia.by.

Уфа - сталіца Рэспублікі Башкортастан. Напрамак, які будзе цікавы знатакам народных культур і традыцый. Гэта адзіны горад у свеце, назва якога супадае з прынятым трохлітарным абазначэннем аэрапорта - UFA. Міжнародны аэрапорт Уфа знаходзіцца за 25 км ад цэнтра горада.

Авіякампанія "Белавія" - буйнейшы авіяперавозчык Беларусі. Створана 5 сакавіка 1996 года. З 1997 года з'яўляецца правадзейным членам Міжнароднай асацыяцыі паветранага транспарту (IATA), з 2010-га - членам Асацыяцыі еўрапейскіх рэгіянальных авіякампаній (ERAA). Флот авіякампаніі цяпер налічвае 30 паветраных суднаў (адзін Boeing 737-8, дзевяць Boeing 737-800, два Boeing 737-500, тры Boeing 737-300, пяць Embraer 175, сем Embraer 195 і тры Embraer 195-E2).

Міжнародны аэрапорт Уфа - сучасны авіяцыйны комплекс, першы сярод рэгіянальных аэрапортаў Расіі ўладальнік сертыфіката IATA ISAGO, які пацвярджае работу па найвышэйшых міжнародных стандартах бяспекі. Уваходзіць у дзясятку вядучых расійскіх аэрапортаў. У 2020 годзе ён захаваў лідарства ў Прыволжскай федэральнай акрузе па пасажырапатоку, колькасць абслужаных пасажыраў за год склала 2,37 млн. Партнёрамі аэрапорта "Уфа" з'яўляюцца больш за 40 авіякампаній. Авіягавань здольна прымаць практычна ўсе тыпы паветраных суднаў аж да шырокафюзеляжных Boeing 747-400 і Boeing 777, а таксама верталёты ўсіх тыпаў. Для абслугоўвання пасажыраў задзейнічаны два тэрміналы - унутраных і міжнародных авіяліній - з агульнай прапускной здольнасцю 2 тыс. чалавек у гадзіну, 39 месцаў стаянак паветраных суднаў і 9 тэлескапічных трапаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі