17 сакавіка, Мінск /Кар. БЕЛТА/. Беларускія ваенныя медыкі вярнуліся з Сірыі. Аб гэтым БЕЛТА паведамілі ў Міністэрстве абароны.
Спецыялісты медыцынскага атрада спецыяльнага прызначэння галоўнага ваеннага клінічнага медыцынскага цэнтра Узброеных Сіл на працягу месяца працавалі ў Сірыі, аказваючы дапамогу сірыйскаму народу, які пацярпеў ад землетрасення. За час місіі беларускія ваенныя медыкі правялі каласальную работу і аказалі дапамогу ўсім, хто звяртаўся ў ваенна-палявы шпіталь. Так, беларускія спецыялісты аказалі дапамогу больш як 3 тыс. пацыентаў. У лабараторыі пры ваенна-палявым шпіталі было праведзена больш як 800 даследаванняў. Штодзень беларускія медыкі прымалі амаль 200 пацыентаў.
Нялёгкая праца беларускіх спецыялістаў чарговы раз даказвае, што Беларусь заўсёды гатова працягнуць руку дапамогі тым, хто мае ў ёй патрэбу.-0-
