Сцяг Серада, 17 красавіка 2024
Усе навіны
Усе навіны
Грамадства
23 лютага 2024, 11:30

БелАЭС сумарна выпрацавала 25,4 млрд кВт.гадз электраэнергіі

Фота з архіва
Фота з архіва
23 лютага, Мінск /Кар. БЕЛТА/. БелАЭС сумарна выпрацавала 25,4 млрд кВт.гадз электраэнергіі. Аб гэтым расказаў міністр энергетыкі Віктар Каранкевіч перад пачаткам падагульняючай калегіі міністэрства, перадае карэспандэнт БЕЛТА.

"У 2023 годзе арганізацыі галіны выканалі даведзеныя ўрадам заданні і ключавыя паказчыкі, забяспечылі надзейнае забеспячэнне энергарэсурсамі спажыўцоў рэальнага сектара эканомікі і насельніцтва. Прадаўжалася сістэмная работа па абнаўленні асноўных вытворчых фондаў арганізацый энергакомплексу, павышэнні надзейнасці работы энергасістэмы. Пры падтрымцы кіраўніка дзяржавы рэалізаваны важныя для галіны інвестыцыйныя праекты", - сказаў Віктар Каранкевіч.

Паводле яго слоў, самай маштабнай падзеяй стаў увод у прамысловую эксплуатацыю Беларускай атамнай электрастанцыі. З моманту ўключэння ў аб'яднаную энергасістэму першага энергаблока станцыя выпрацавала 25,4 млрд кВт.гадз электраэнергіі. Гэта дало магчымасць замясціць 6,7 млрд. куб.м. прыроднага газу.

"Праект стаў добрым стымулам для росту электраспажывання ў краіне - па выніках 2023 года гэты паказчык вырас на 6,6 працэнта, або на 2,5 млрд кВт.гадз у параўнанні з 2022 годам і склаў 41,1 млрд. кВт.гадз. Пры гэтым 28,5 працэнта ад агульнага аб'ёму забяспечана за кошт выпрацоўкі электраэнергіі Беларускай атамнай станцыяй", - адзначыў міністр.

Ён падкрэсліў, што рост электраспажывання забяспечаны як рэальным сектарам эканомікі, так і насельніцтвам, перш за ўсё па тых напрамках, дзе ўведзены і дзейнічаюць стымулюючыя меры. Гэта развіццё энергаёмістых вытворчасцей, электратранспарту, выкарыстанне электраэнергіі для мэт ацяплення і гарачага водазабеспячэння.-0-
Падпісвайцеся на нас у
Twitter
Топ-навіны
Свежыя навіны Беларусі