ДЗЯРЖОРГАНЫДЗЯРЖОРГАНЫ
Флаг Нядзеля, 25 верасня 2022
Мінск Малавоблачна +9°C
Усе навіны
Усе навіны
Грамадства
17 жніўня 2022, 16:52

Артамонаў: нас прывучылі саромецца ўласнага мінулага, лічыць сябе недаеўрапейцамі

17 жніўня, Мінск /Кар. БЕЛТА/. Нас прывучылі саромецца ўласнага мінулага, лічыць сябе недаеўрапейцамі. Аб гэтым заявіў ваенны аналітык Аляксандр Артамонаў у праекце "У тэме" на YouTube-канале БЕЛТА.

Паводле яго слоў, Захадам даволі доўга праводзіцца мэтанакіраваная палітыка, каб пераканаць нас, што мы горшыя, чым яны. "Нас прывучылі саромецца ўласнага мінулага, лічыць сябе недаеўрапейцамі. Гэта ўсё глыбока ў нашых мазгах. Нас жа перапраграмаваць спрабавалі. А вынік перапраграмавання - гэта ўкраінцы, якія сваіх братоў забіваюць у імя заходніх гаспадароў. Інакш не скажу", - сказаў Аляксандр Артамонаў.

Аналітык расказаў, што яго дзяцінства прайшло ў Францыі і ён на сабе зведаў, як мясцовыя ставяцца да рускіх. "Мне французская цывілізацыя знаёма да квадратнага метра. Я Парыж лепш ведаў, чым Маскву, - адзначыў ён. - Некалі была высокая цывілізацыя. Нас прыцягваюць пустой ракавінай, малюска там даўно ўжо няма. Вось гэтыя ўсе Калізеі, Луўры - гэта іншая цывілізацыя. Гэта была цывілізацыя, якая закончылася з Першай сусветнай вайной. Іх больш няма. Яны нас клічуць на тое, чым самі даўным-даўно не з'яўляюцца. А мы на гэта ідзём, як на вампірскі кліч, заплюшчыўшы вочы. Я яшчэ адну рэч скажу. У выніку таго, што ў мяне бацька працаваў як авіяцыйны спецыяліст у Францыі, у мяне дзіцячая частка біяграфіі звязана з Францыяй - 4 гады. Я памятаю, як мяне называлі ў ліцэі, я тады ўжо французскай мовай добра валодаў. Нас называлі белыя негры".

"Наколькі мы з імі гуляем у цывілізацыю - настолькі яны з намі гуляюць цалкам без правіл. Таму яны маюць адчуванне, што мы неразумныя, унтэрменшн", - канстатаваў Аляксандр Артамонаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі