ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск Малавоблачна -8°C
Усе навіны
Усе навіны
Грамадства
30 верасня 2022, 15:41

Аналітык БІСД: самарэалізацыя для беларускай моладзі важнейшая за матэрыяльны дабрабыт

30 верасня, Мінск /Кар. БЕЛТА/. Самарэалізацыя для беларускай моладзі важнейшая за матэрыяльны дабрабыт. Такім меркаваннем з журналістамі падзялілася аналітык Беларускага інстытута стратэгічных даследаванняў, сацыёлаг Святлана Алейнікава, перадае карэспандэнт БЕЛТА.

"Грамадства мяняецца, становіцца больш дынамічным, і яго запатрабаванні таксама мяняюцца. Сацыялогія - гэта той інструмент, які дазваляе пачуць грамадства і даць упраўленцу неабходную інфармацыю, што складае аснову зваротнай сувязі і дыялогу з грамадствам. Менавіта дыялог упраўленца і сацыёлага ў цэнтры ўвагі сённяшняга семінара", - расказала Святлана Алейнікава.

Яна дадала, што БІСД не праводзіць сацыялагічныя даследаванні, але заказвае іх у вядучых сацыялагічных структур: "Мы пастаянна працуем з сацыялагічнай інфармацыяй. Асноўныя тэмы нашых даследаванняў - гэта надзеі, чаканні і запатрабаванні грамадства. Акрамя таго, мы вывучаем асобныя сацыяльныя, дэмаграфічныя і прафесійныя групы. Медыцынскія работнікі, педагогі, дзяржаўныя служачыя - кожны зрэз грамадства вывучаецца нашым інстытутам глыбока і прадметна".

Аналітык БІСД адзначыла, што адным са значных напрамкаў, работа над якім вядзецца ўжо некалькі гадоў, з'яўляецца вывучэнне каштоўнасцей беларускага грамадства, яго каштоўнаснага партрэта. Увага ўдзяляецца таксама каштоўнаснаму партрэту моладзі, пытанням адукацыі і развіцця сацыяльнай сферы ў Беларусі. "Моладзь заўсёды больш аптымістычная, чым астатнія сацыяльна-дэмаграфічныя групы. Калі гаварыць, пра што марыць моладзь, то яна марыць знайсці сябе. Гэта пазіцыя на першым месцы: рэалізавацца, знайсці сябе і сваё прызначэнне. Матэрыяльныя пытанні, такія як багацце, кар'ера, знаходзяцца на другім месцы. Наша моладзь мэтанакіраваная, і для яе самае галоўнае - гэта стаць асобай і знайсці сябе", - заявіла Святлана Алейнікава.

30 верасня ў Акадэміі кіравання пры Прэзідэнце Рэспублікі Беларусь прайшоў навучальны семінар для кіраўнікоў мясцовых органаў улады, рэспубліканскіх органаў дзяржаўнага кіравання "Сацыялагічнае суправаджэнне прыняцця кіраўніцкіх рашэнняў і рэалізацыі дзяржаўнай палітыкі на месцах".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі