Сцяг Пятніца, 21 чэрвеня 2024
Усе навіны
Усе навіны
Прэзідэнт
29 мая 2024, 14:09

Лукашэнка заявіў аб планах павялічыць ільготнае крэдытаванне на куплю айчынных тавараў

Аляксандр Лукашэнка
Аляксандр Лукашэнка
29 мая, Орша /Кар. БЕЛТА/. У Беларусі плануецца павялічыць ільготнае крэдытаванне на набыццё айчынных тавараў. Аб гэтым Прэзідэнт Беларусі Аляксандр Лукашэнка заявіў, размаўляючы з работнікамі завода "Легмаш" у Оршы, перадае карэспандэнт БЕЛТА.

Дзеючая сістэма льготнага крэдытавання дае магчымасць набываць айчынныя тавары на суму да Br12 тыс. пад 4 працэнты гадавых на 3 гады. У Прэзідэнта спыталі, ці плануецца пашырыць магчымасці такога крэдытавання.

"Мы будзем прадаўжаць гэту практыку, - адказаў кіраўнік дзяржавы. - Думаю, да канца года мы паглядзім і павялічым гэтыя субсідыі, крэдыты для таго, каб вы куплялі тое, што вырабляецца беларускае".

Больш таго, плануецца пашырыць колькасць прадпрыемстваў, прадукцыю якіх можна набываць па такіх крэдытах, - са 120 да 140-150. Не выключана, што крыху знізіцца і працэнтная стаўка па гэтым крэдыце.

Ураду даручана ўнесці на разгляд кіраўніка дзяржавы адпаведныя прапановы. Прэзідэнт падкрэсліў, што па многіх пытаннях у Беларусі дзяржава падстаўляе плячо грамадзянам, напрыклад, у льготным крэдытаванні на набыццё жылля, і гэта значныя аб'ёмы падтрымкі.-0-
Падпісвайцеся на нас у
Twitter
Топ-навіны
Свежыя навіны Беларусі