ДЗЯРЖОРГАНЫДЗЯРЖОРГАНЫ
Панядзелак, 25 мая 2020
Мінск Суцэльная воблачнасць +10°C
Усе навіны
Усе навіны
Прэзідэнт
31 сакавіка 2020, 13:08

Лукашэнка пра крызіс з-за каранавіруса: трэба працаваць і ратавацца ад гэтага крызісу, як толькі можна

Аляксандр Лукашэнка
Аляксандр Лукашэнка

31 сакавіка, Мінск /Кар. БЕЛТА/. Самая цяжкая праблема сёння ў Беларусі - гэта сітуацыя з эканомікай, якая церпіць з-за ўспышкі каранавіруса ў свеце. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Савета Рэспублікі Наталляй Качанавай, перадае карэспандэнт БЕЛТА.

"Самая цяжкая праблема - гэта эканоміка, хоць мы і стараемся тут неяк карабкацца, каб прадпрыемствы працавалі, каб людзі атрымлівалі зарплату. Тут у мяне формула Трампа. Мне вельмі спадабалася, калі ён шчыра сказаў: калі мы неадкладна не пачнём працаваць (звярнуўся да амерыканцаў, дзе друкуюць гэты долар, першая эканоміка ў свеце), то людзей памрэ больш ад беспрацоўя і голаду, чым ад каранавіруса. Вельмі правільна сказаў. Дык гэта амерыканцы сказалі, а нам што гаварыць? Нам трэба працаваць і ратавацца ад гэтага крызісу, як толькі можна", - адзначыў Аляксандр Лукашэнка.

Пры гэтым, падкрэсліў Прэзідэнт, не трэба скідаць з рахунку розныя вірусныя хваробы. Тым больш, звярнуў ён увагу, захваральнасць знаходзіцца на піку. "Як звычайна, кожную вясну настае пік захваральнасці і потым ідзе спад, - дадаў кіраўнік дзяржавы. - Я ўжо малю бога, каб да Вялікадня гэты пік пайшоў уніз".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі