ДЗЯРЖОРГАНЫДЗЯРЖОРГАНЫ
Флаг Серада, 17 жніўня 2022
Мінск Ясна +19°C
Усе навіны
Усе навіны
Прэзідэнт
01 ліпеня 2022, 12:41

Лукашэнка: Форум рэгіёнаў Беларусі і Расіі з'яўляецца эфектыўным адказам на новыя выклікі

1 ліпеня, Мінск /Кар. БЕЛТА/. Форум рэгіёнаў Беларусі і Расіі з'яўляецца эфектыўным адказам на новыя выклікі. Аб гэтым кіраўнік беларускай дзяржавы Аляксандр Лукашэнка заявіў у сваім відэазвароце на пленарным пасяджэнні IX Форуму рэгіёнаў Беларусі і Расіі, які праходзіць у Гродне, перадае карэспандэнт БЕЛТА.

"Для Беларусі і Расіі форум даўно стаў адным з сімвалаў роднасці славянскіх народаў. Само жыццё паказвае, што мы знайшлі фармат міжрэгіянальнага і міждзяржаўнага ўзаемадзеяння, які сапраўды адпавядае карэнным інтарэсам беларусаў і расіян. Больш таго, форум з'яўляецца эфектыўным і адэкватным адказам на новыя выклікі, з якімі мы сутыкнуліся сёння", - сказаў кіраўнік дзяржавы.

Лукашэнка заявіў аб нацэленасці на мірны дыялог з усімі краінамі, нягледзячы ні на штоЛукашэнка заявіў аб нацэленасці на мірны дыялог з усімі краінамі, нягледзячы ні на што
"Гасцінная Гродзенская зямля ўпершыню прымае гасцей такога знакавага мерапрыемства. Сустрэча дэлегацый праходзіць фактычна на стыку дзвюх культурных цывілізацый - Усходу і Захаду. Мы бачым у гэтым сімвалічнае значэнне, паколькі, нягледзячы ні на што, нацэлены на мірны дыялог з усімі краінамі", - заявіў беларускі лідар.

Ён адзначыў, што ў самыя цяжкія часы міжрэгіянальнае супрацоўніцтва заўсёды выручала. "Так было ў 1990-я, калі менавіта на ўзроўні рэгіёнаў удалося захаваць не толькі эканамічныя сувязі, але і ментальнае і духоўнае адзінства двух брацкіх народаў. І сёння форум з'яўляецца народнай ініцыятывай, а не вынікам рашэнняў зверху. Гэта дыялогавая пляцоўка, дзе выпрацоўваюцца механізмы па рэалізацыі дамоўленасцей, прынятых на высокім і вышэйшым узроўнях", - сказаў Аляксандр Лукашэнка.

Прэзідэнт звярнуў увагу, што ў цяперашніх геапалітычных рэаліях форум выконвае важную місію - садзейнічае стварэнню трывалай эканамічнай асновы ў будаўніцтве Саюзнай дзяржавы.

Лукашэнка пра Саюзную дзяржаву: ужо створана тое, аб чым так доўга гаварылі на розных узроўняхЛукашэнка пра Саюзную дзяржаву: ужо створана тое, аб чым так доўга гаварылі на розных узроўнях
"Асабліва радуюць рэальныя вынікі, важныя і для развіцця рэгіёнаў, і для функцыянавання канкрэтных прадпрыемстваў, і ў цэлым для паляпшэння жыцця нашых людзей. Што б вакол нас ні адбывалася", - адзначыў Аляксандр Лукашэнка.

Як адзначыў кіраўнік дзяржавы, у бягучым годзе ў разы актывізаваліся кантакты з кіраўнікамі расійскіх рэгіёнаў. І геаграфія такіх кантактаў пашыраецца. Некаторыя губернатары пабывалі ў Беларусі не адзін раз. "Можна ўпэўнена сказаць, наша краіна знайшла чым зацікавіць кожную дэлегацыю. Мы атрымалі новыя магчымасці для экспарту тавараў і паслуг, а нашы спецыялісты набылі ўнікальныя кампетэнцыі, як ў выпадку з будаўніцтвам касмадрома Усходні або Беларускай атамнай станцыі", - сказаў ён.

Аляксандр Лукашэнка прапанаваў у бліжэйшы час правесці поўную інвентарызацыю таго, як выконваюцца рашэнні форуму. "Не для кантролю, а для аптымізацыі ўсіх дамоўленасцей", - растлумачыў кіраўнік дзяржавы.

У перспектыве, заявіў Прэзідэнт, неабходна імкнуцца да таго, каб зрабіць гэту пляцоўку цэнтрам прыцягнення міжрэгіянальных ініцыятыў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі