ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Ясна +22°C
Усе навіны
Усе навіны
Прэзідэнт
24 чэрвеня 2022, 17:57

Лукашэнка: Беларусь і Расія ў бліжэйшым будучым выйдуць на неабходны ўзровень супрацоўніцтва

24 чэрвеня, Мінск /Кар. БЕЛТА/. Беларусь і Расія ў бліжэйшым будучым выйдуць на неабходны ўзровень супрацоўніцтва. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Санкт-Пецярбурга Аляксандрам Бягловым, перадае карэспандэнт БЕЛТА.

"Для нас Піцер з'яўляецца адным з асноўных напрамкаў работы ў Расійскай Федэрацыі. Мы будзем рабіць усё для таго, каб гэту велізарную расійскую пляцоўку не страціць. У нас добра развіваецца тавараабарот, мы можам прыбавіць. Асабліва ўлічваючы тыя паводзіны заходніх партнёраў, як прынята гаварыць. Думаю, што на працягу гэтага і будучага года мы выйдзем на той узровень супрацоўніцтва і развіцця Беларусі і Расіі, на якім мы павінны быць. Мы пераадолеем усе нягоды і перашкоды, асабліва ў эканоміцы", - сказаў Прэзідэнт.

Паводле слоў Аляксандра Лукашэнкі, аб гэтым сведчыць і тавараабарот Беларусі з Санкт-Пецярбургам, які штогод сур'ёзна прырастае, у тым ліку ў бягучым годзе. "Мы вырабляем шмат таго, у чым мае патрэбу Піцер. У той жа час мы вельмі шмат купляем вашага тавару. Так будзе заўсёды", - адзначыў ён.

"Вы для нас вельмі блізкія людзі. Мы заўсёды, сустракаючыся з Прэзідэнтам Расіі, вельмі шмат гаворым пра Санкт-Пецярбург. Мы помнім той вялікі ўклад, які ўнеслі ленінградцы (у аднаўленне Беларусі. - Заўвага БЕЛТА) пасля заканчэння Вялікай Айчыннай вайны. Можа, я крыху перабіраю, але я лічу, што Беларусь і Ленінград - гэта дзве кропкі ў Савецкім Саюзе, дзе людзі пацярпелі больш за ўсё. Цяжка гэта ўсё ацаніць. З таго часу мы і выбудоўваем нашы добрыя адносіны. Некалі ў адзінай краіне. Але што зробіш, няма той краіны", - сказаў Аляксандр Лукашэнка.

Кіраўнік дзяржавы падкрэсліў, што ў Беларусі поўныя рашучасці супрацоўнічаць з Санкт-Пецярбургам па ўсіх напрамках: "Ад ліфтаў да камунальнай тэхнікі, якая сёння патрэбна. Але галоўнае - гэта структуры, сістэмы і іншае. Вы бачылі ў Беларусі. Калі вам нешта падыходзіць, вы скажыце, мы як добрыя блізкія людзі, суседзі будзем прыязджаць і разам у Санкт-Пецярбургу ствараць тое, што вам падабаецца. І ў той жа час будзем вас прасіць, каб вы свой вопыт і практыкі пераносілі на беларускую зямлю".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі