23 мая, Мінск /Кар. БЕЛТА/. Прэзідэнт Беларусі Аляксандр Лукашэнка зрабіў акцэнт на пашырэнні вытворчасці айчынных прэпаратаў. Аб гэтым кіраўнік дзяржавы заявіў на нарадзе па актуальных пытаннях аховы здароўя, перадае карэспандэнт БЕЛТА.
"Што робіцца для дастатковага забеспячэння лякарствамі насельніцтва, у тым ліку сельскіх жыхароў?" - звярнуўся Прэзідэнт да ўдзельнікаў мерапрыемства.
"З лякарствамі поўны беспарадак. Хто хоча - той бярэ, хто хоча - той нясе, куды захоча - туды і нясе", - выказаўся Аляксандр Лукашэнка. Асобна кіраўнік дзяржавы спытаў аб мерах, што прымаюцца для пашырэння айчыннай вытворчасці запатрабаваных прэпаратаў. Апошнім часам, на думку Прэзідэнта, гэтаму пытанню не ўдзяляецца належнай увагі. "У час Жарко (Васіль Жарко, былы міністр аховы здароўя. - Заўвага БЕЛТА) далажылі: больш за 50 працэнтаў пачалі вырабляць уласных прэпаратаў. І спыніліся, ляжым і не варушымся", - акрэсліў праблему беларускі лідар.-0-
