Сцяг Серада, 21 лютага 2024
Усе навіны
Усе навіны
Палітыка
13 сакавіка 2023, 19:55

Завалей: яшчэ каля 60 законаў трэба прывесці ў адпаведнасць з Канстытуцыяй да канца года

13 сакавіка, Мінск /Кар. БЕЛТА/. Дэпутацкаму корпусу яшчэ каля 60 законаў трэба прывесці ў адпаведнасць з Канстытуцыяй да канца года, заявіў журналістам член Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Ігар Завалей, перадае карэспандэнт БЕЛТА.

"Сёмаму скліканню Палаты прадстаўнікоў выпала доля ганаровая, але ў той жа час і адказная. Нашаму скліканню да канца 2023 года, па сутнасці, да заканчэння сваіх паўнамоцтваў, трэба прывесці ўсе заканадаўчыя акты ў адпаведнасць з абноўленай Канстытуцыяй. На сённяшні дзень такая работа актыўна вядзецца. Ужо каля 33 законаў з 90 запланаваных прыведзены ў адпаведнасць, па астатніх вядзецца работа. Нейкія ў першым чытанні прыняты, нейкія рыхтуюцца да другога чытання. Але за бягучы год, вядома, самыя асноўныя і галоўныя законы былі распрацаваны і прыняты", - расказаў Ігар Завалей.

Першы з іх - закон "Аб Усебеларускім народным сходзе". "На сённяшні дзень ужо гэты закон падпісаны Прэзідэнтам і ёсць дакладнае разуменне, як гэта будзе працаваць, за што гэты орган будзе адказваць, якія ў яго будуць паўнамоцтвы. І пасля выбараў 2024 года на працягу 60 дзён будзе сабраны Усебеларускі народны сход ужо ў новым статусе. Не проста дарадчы орган, а орган, які будзе вызначаць тэндэнцыі ў развіцці нашай дзяржавы, - адзначыў дэпутат. - Другі закон па важнасці, які ўжо адпрацаваны і прыняты, - "Аб грамадскіх аб'яднаннях і палітычных партыях". Час дыктуе свае ўмовы, мяняецца інфармацыйнае поле, кан'юнктура, і сёння мы ўжо гатовы для актыўнай палітычнай дзейнасці ў поўным сэнсе. Не проста намінальнага існавання партый, а актыўнага іх удзелу ў жыцці нашай краіны".

"Работа праведзена каласальная. І на сённяшні дзень дэпутацкаму корпусу яшчэ каля 60 законаў трэба будзе прывесці ў адпаведнасць з Канстытуцыяй да заканчэння свайго тэрміну", - канстатаваў Ігар Завалей.-0

Падпісвайцеся на нас у
Twitter
Топ-навіны
Свежыя навіны Беларусі