17 мая, Масква /Эдуард Півавар - БЕЛТА/. Беларусь і Расія ўмацоўваюць узаемадзеянне на пляцоўцы ШАС і выступаюць за больш хуткае далучэнне Беларусі да арганізацыі. Аб гэтым гаворыцца ў заяве міністраў замежных спраў Рэспублікі Беларусь і Расійскай Федэрацыі па агульных знешнепалітычных прыярытэтах Расіі і Беларусі, якую Сяргей Алейнік і Сяргей Лаўроў падпісалі па выніках праведзеных сёння ў Маскве перагавораў, паведамляе БЕЛТА.
"Беларусь і Расія ўмацоўваюць узаемадзеянне на пляцоўцы Шанхайскай арганізацыі супрацоўніцтва, якая стала важным фактарам фарміруемага шматпалярнага светапарадку і ўносіць значны ўклад у забеспячэнне бяспекі і стабільнасці ў рэгіёне. Мы выступаем за больш хуткае далучэнне да ШАС Беларусі ў якасці паўнапраўнага члена", - адзначаецца ў дакуменце.
"Мінск і Масква надаюць асаблівае значэнне развіццю і ўмацаванню ўсёабдымнага супрацоўніцтва з краінамі Азіі, Афрыкі, Лацінскай Амерыкі і іх рэгіянальнымі аб'яднаннямі. Мы будзем каардынаваць палітычнае ўзаемадзеянне на гэтых напрамках, у тым ліку ў галіне падтрымання міру і бяспекі, а таксама знешнеэканамічнае супрацоўніцтва з дзяржавамі гэтых рэгіёнаў", - заявілі кіраўнікі знешнепалітычных ведамстваў Беларусі і Расіі.-0-
