ДЗЯРЖОРГАНЫДЗЯРЖОРГАНЫ
Пятніца, 3 красавіка 2020
Мінск Пераменная воблачнасць +4°C
Усе навіны
Усе навіны
Палітыка
12 лютага 2020, 12:14

У АДКБ падрыхтуюць адзіны спіс тэрарыстычных арганізацый

Фота з архіва
Фота з архіва

12 лютага, Масква /Эдуард Півавар - БЕЛТА/. У АДКБ сфарміруюць адзіны спіс арганізацый, прызнаных тэрарыстычнымі ў дзяржавах - членах арганізацыі. Аб гэтым ішла размова на сустрэчы генеральнага сакратара АДКБ Станіслава Зася са старшынёй Парламенцкай асамблеі АДКБ спікерам Дзярждумы Расіі Вячаславам Валодзіным, паведаміў БЕЛТА прэс-сакратар АДКБ Уладзімір Зайнетдзінаў.

"Станіслаў Зась і Вячаслаў Валодзін абмяняліся думкамі па шэрагу пытанняў, якія ў тым ліку датычацца работы над праектам праграмы дзейнасці Парламенцкай асамблеі АДКБ па збліжэнні і гарманізацыі нацыянальнага заканадаўства дзяржаў - членаў АДКБ на 2021-2025 гады, фарміравання адзінага спіса арганізацый, прызнаных тэрарыстычнымі ў дзяржавах - членах АДКБ, падрыхтоўкі да 75-годдзя Перамогі ў Вялікай Айчыннай вайне, прававога статусу наглядальніка і партнёра пры АДКБ, каардынацыі дзейнасці на міжнародных пляцоўках", - адзначыў прэс-сакратар.

Вячаслаў Валодзін павіншаваў Станіслава Зася з назначэннем на пасаду генеральнага сакратара АДКБ і выказаў гатоўнасць аказваць усебаковае садзейнічанне Сакратарыяту АДКБ у вырашэнні задач, якія стаяць перад арганізацыяй.

"Акрамя таго, на сустрэчы былі закрануты пытанні ўдзелу членаў Савета Парламенцкай асамблеі АДКБ у мерапрыемствах, што арганізуюцца сакратарыятам арганізацыі, а таксама супрацоўнікаў сакратарыята - у дзейнасці гэтай парламенцкай структуры", - дадаў прэс-сакратар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі